Hesekiel 19:10 - AHYERƐLƐ KRONGRON

¹⁰ Ahaa né wɔ maame te kyɛ bobe turo nu bobe bɔ balua ye nzue noa ɔ; na nzue somaa bɔ onyane ye ne ati, onyane mmaen pee, na osuli mmaa.

Hesekiel 19:10 Iomraidhean Croise

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 128:3

Ɛye kɔyɛ kyɛ bobe bɔ osu biribiraa ɔ wɔ w’awuro, na wɔ mma kɔyɛ kyɛ olive mmaen, bɔ wapɛ wɔ poen nwo wayia ɔ.

Hesekiel 17:6

Ofifili yɛle bobe bakaa, obuale bɔ wangɔ anwuro ɔ; ye mmaen nemɔ bɛtrɛtrɛle bɛhɔle kɔleɛ ne anwo, nakoso ye ndii nemɔ de, né bɛtɛwɔ bakaa ne abo. Yiti ɔyɛle bobe bakaa, onyane mmaen mɔ, na ɔfefɛle nyaa.

Hesekiel 19:13

Afei de, batu baalua ye wɔ ɛserɛ so, wɔ aseɛ wosee bɔ nzuhɔen ku ye ɔ so.

Hesekiel 19:2

ná kã kyɛ: Nwa yeɛ ɔte eni ɔ? Ɔte gyata beleɛ bɔ obutu gyata nyii mɔ nu, bɔ ɔtete ye mma mmaa mmaa ɔ.

Hosea 2:2

Ɛ́mɔdwudwo behyire ɛmɔ ani, ɛ́mɔdwudwo behyire ye, ofikyɛ nna me ye ɔ, yeɛ ye koso nna ohu ole me. Odi kyɛ ɔye ye gyanderabɔlɛ ne fi ye nye so, na ɔye ye agyaasɛkyelɛ ne fi ye nyɔfone mɔ b’afia.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Yohane 15:1

“Me ole nahorɛ bobe ne, yeɛ me Baba ole kuaniɛ ne.

Deuteronomi 8:7

Ofikyɛ AWURADE wɔ Nyameɛ ɔ́fa wɔ kɔ aseɛ paa so, aseɛ bɔ asue mɔ ne asue mmaa mmaa ne mbombonzue wɔ ye bɔnza mɔ nu, ɔne ye mmokaa so,

Deuteronomi 8:9

aseɛ bɔ aleɛ nwo nyɛ se wɔ so ɔ, nekaa bɔ nikye fee nwo ngohia wɔ ɔ, aseɛ bɔ so nyɔboɛ te buralɛ ɔ, na ekonya kɔɔbere kotu wɔ ye mmokaa nemɔ anu.