Hesekiel 18:9 - AHYERƐLƐ KRONGRON

⁹ odi me nhyehyɛleɛ so, ná odi m’ahyɛdeɛ so nahorɛ nu a, sɔ sona ne yeɛ ɔtengyɛ ɔ, na nahorɛ nu, okonya ngoa, AWURADE Nyameɛ noa dwirɛ ɛne.

Hesekiel 18:9 Iomraidhean Croise

1 Ahemvo 9:4

Na wɔ de, sɛ ɛfa ahone bɔ nu te ɔ, ɔne bra bɔ ɔtengyɛ ɔ edi me dwirɛ so kyɛbɔ wɔ baba Dawide lili so ne, ná ɛyɔ kyɛbɔ mahyɛ wɔ ne amukoraa, ná edi m’ahyɛdeɛ ne me nhyehyɛleɛ so a,

Anyandera 12:28

Tenenee bra ɔfa sona kɔ ngoa nu, nakoso mvomsoɛ atee de, ɔkɔ ewue nu.

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 18:10

“Na sɛ ɔwo baa bɔ ɔte awerɔm awueniɛ bɔ ɔkã mogya gua, anaa ɔyɔ sɔ nningyein nemɔ nu biala,

Hesekiel 18:17

onni ehiafoɛ aminɛ, ɔbɔ bosea a ɔmva nzihoɛ nzi ye nwo, anaa onne bie mmoka so; ná mmom odi me nhyehyɛleɛ ne m’ahyɛdeɛ so a, ye de, nna ye baba amumuyɛɛ ne ati yeɛ ɔbaamaa owu ɔ. Nahorɛ nu, okonya ngoa.

Hesekiel 18:19

“Nakoso ɛmɔ de, ɛmɔnwa: ‘Nzu ati yeɛ baa onnya ye baba amumuyɛɛ nwo asohwenɛ ɔ?’ Sɛ baa ne ayɔ bɔ ɔte paa ne bɔ ɔtengyɛ, ná wali m’ahyɛdeɛ mukoraa so nahorɛ nu a, nahorɛ nu, okonya ngoa.

Hesekiel 20:11

Yeɛ mvale m’ahyɛdeɛ mane bɛ, na ngyirele bɛ me mmeraa bɔ sɛ sona di so a onya ngoa ne.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 33:15

ná sɛ bɔnefoɛ ne fa nikyee bɔ bafa basi ye berɛ awowaa ne osa ma ye mene, osa fa nikyee bɔ wawua ɔ ɔma ye mene, ná odi ngoa ahyɛdeɛ ne aso, bɔ ɔnyɔ amumuyɛɛ a, ye de, amba, okonya ngoa, ongowu.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Lewitikɔso 18:5

Yiti ɛ́mɔli m’ahyɛdeɛ ne me nhyehyɛleɛ so, na sona bɔ okoli so ne, okonya ngoa: Me ole AWURADE.

Amose 5:14

Bɔ ɔte paa mmom yeɛ odi kyɛ ɛmɔpena ye si atee ɔ, na nna bɔ ɔte bɔne ɔ, amaa ɔnate so ɛmɔanya ngoa, na AWURADE Asafo Nyameɛ kogyina ɛmɔ si, kyɛbɔ ɛmɔahã ne.

Amose 5:24

Na mmom odi kyɛ ɛmɔma ndɛenbualɛ turoloo tengyɛ kyɛ asue, ná tenenee ɔsẽ kyɛ asue piri.

Amose 5:4

Ofikyɛ bɔ AWURADE kã kyire Yisrael awuro ama ɛhe, “Ɛ́mɔpena me si ate, na ɛmɔkonya ngoa.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Romanfoɛ 1:17

Ofikyɛ nzɛmba ne kyire kyɛ, Nyameɛ siesie kuro sona ne ye afia maa bɛyɛ ko: na ɛhe gyi gyidie ngome so. Kyɛbɔ bahyerɛ kyɛ, “Teneneeniɛ de, ɔnate ye gyidie so yeɛ okonya ngoa ɔ.”

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

Deuteronomi 11:1

“Yiti ɔsɛ kyɛ ekuro AWURADE wɔ Nyameɛ dwirɛ, ná edi ye dwirɛ, ye ahyɛdeɛ, ye nhyehyɛleɛ ne ye mmeraa dwirɛ so mmerɛ biala.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Deuteronomi 6:25

Na sɛ yɛdi mmeraa dwirɛ he amukoraati so pɛpɛɛpɛ wɔ AWURADE yɛ Nyameɛ nyunu, kyɛbɔ wahyɛ yɛ ne a, ye de yɛkɔtengyɛ wɔ ye nyunu.’

1 Yohane 2:29

Na sɛ ɛmɔse kyɛ ɔte teneneeniɛ a, nzaade ɛmɔse kyɛ ebiala bɔ ɔyɔ bɔ ɔtengyɛ ne te Nyameɛ awa.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.