Hesekiel 18:8 - AHYERƐLƐ KRONGRON

⁸ ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 18:8 Iomraidhean Croise

2 Samuel 22:24

M’atee tengyɛ wɔ ye nyunu, na mate me nwo mafi bɔne nwo.

Nehemia 5:15

Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Ɛksadɔso 22:25

“Me mmenia ehiafoɛ bɔ bɛwɔ ɛmɔ nu ne, sɛ ɛfa sikaa fɛmo bɛ nu biala a, nnɛyɛ ye kyɛ sona bɔ ɔbɔ bosea ɔ, yeɛ nnede ye berɛ nzihoɛ.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yeremia 15:10

Mooni ee! Edwirɛ ato me oo, kyɛ ɛwole me, kyɛ sona bɔ aseɛ ye aso ama amukoraa bɛ ne me di apereapereɛ, ná bɛko betia me ɔ! Mmmɔle ebie bosea nnnele nzihoɛ, yeɛ nnnele ebie bosea nnduale nzihoɛ, nakoso bɛ mukoraa bɛnoma me.

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 18:17

onni ehiafoɛ aminɛ, ɔbɔ bosea a ɔmva nzihoɛ nzi ye nwo, anaa onne bie mmoka so; ná mmom odi me nhyehyɛleɛ ne m’ahyɛdeɛ so a, ye de, nna ye baba amumuyɛɛ ne ati yeɛ ɔbaamaa owu ɔ. Nahorɛ nu, okonya ngoa.

Hesekiel 22:12

Mmenia wɔ wɔ nu bɔ bede fea-ase-ma beku mmenia ɔ. Ede nzihoɛ mbemanim, na esisi ebiɛngo enya wɔ nwo; nakoso me de, wɔ wora afi me, AWURADE Nyameɛ noa dwirɛ ɛne.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Lewitikɔso 19:35

“Nnɛma ɛmɔdi aminɛ wɔ nikyee susulɛ nwo, ɔfa ye tendenn, nu nonɛ, ɔne ye somaa nwo.

Sakaria 8:16

Ɛhemɔ yeɛ odi kyɛ ɛmɔyɔ ɔ: Odi kyɛ ebiala kã nahorɛ kyire obiɛngo; nekaa bɔ ɛmɔdi dwirɛ ne, odi kyɛ ɛmɔbua ndɛen turoloo bɔ ɔfa asomdwee ba ɔ;

Sakaria 8:19

“Asafo AWURADE nwa: Bosome bɔ ɔtɔ so nna ne anu akɔngyere ne, nnu ne anu akɔngyere ne, nzoo ne anu akɔngyere ne, ɔne buru ne anu akɔngyere ne, bɛkɔyɛ ahurusililɛ, anwosɛpɛlɛ ne anigye aluolue kɔma Yuda awuro ama. Yiti ɛmɔhuro nahorɛ ne asomdwee.

Deuteronomi 23:21

“Sɛ ɛhyɛ AWURADE wɔ Nyameɛ bɔ a, nnɛtwetwe wɔ bo ase wɔ ye tualɛ nu; ofikyɛ ɔyɛ sɛɛ ala a AWURADE wɔ Nyameɛ kobisa kofi wɔ berɛ, na ɔkɔkakyi wɔ so bɔne.