Hesekiel 18:7 - AHYERƐLƐ KRONGRON

⁷ ɔnhyɛ obiɛngo so; na mmom sɛ ebie fa nikyee si ye berɛ awowaa a, osa fa ye nikyee ma ye, ɔmva ebie nningyein patapaa so, na mmom ɔfa ye aleɛ ma bɔ ɛhɔen ku ye ɔ, ɔma bɔ ye nwo la so ɔ ɛtena,

Hesekiel 18:7 Iomraidhean Croise

Nehemia 5:10

Afei koso, mene nniɛma mɔ ne me somvoɛ mɔ yɛma bɛ esikaa ne aleɛ. Ɛ́mɔma yɛyakyi nzihoɛlelɛ ne.

YOB NWOMAA NE 22:6

Ofikyɛ ama eliɛma mɔ bafa bɛ nningyein basi wɔ berɛ awowaa mbaen, na apa bɛ nwo tena ama bɛ nwo ala so.

YOB NWOMAA NE 24:3

Bɛkye awisiafoɛ b’afunum mɔ bɛkɔ, bede akunafoɛ mmrasua bɛ nandwie nyii bɛfa besi awowaa.

YOB NWOMAA NE 24:9

“Bɔnefoɛ mɔ bɛte adɔma awisianiɛ befi nyɔfone noa, na bɛfa ye besi oni ehianiɛ kerɛ nu awowaa.

Edwein 112:4

Kanea pukye awosii nu ma teneneeniɛ; ɔdo mmenia, ɔse anwumvoin, yeɛ ɔtengyɛ.

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 41:1

Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Ɛksadɔso 22:25

“Me mmenia ehiafoɛ bɔ bɛwɔ ɛmɔ nu ne, sɛ ɛfa sikaa fɛmo bɛ nu biala a, nnɛyɛ ye kyɛ sona bɔ ɔbɔ bosea ɔ, yeɛ nnede ye berɛ nzihoɛ.

Ɛksadɔso 22:26

Sɛ ede ebiɛngo tena ɛfa si wɔ berɛ awowaa a, fa ye nikyee kɔma ye koraka né eyia atɔ;

Ɛksadɔso 23:9

“Nnɛsisi ɛwɔfoɛ. Ɛmɔse kyɛbɔ ɛwɔfoɛyɛlɛ si te ɔ, ofikyɛ né ɛmɔ wora ɛmɔte wɔfoɛ wɔ Misraim aseɛ so.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Anyandera 3:31

Nnɛma wɔ nye boro asisiefoɛ, yeɛ esaa bɔ bapɛ bato berɛ ne, nnɛfa nu biala so.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yeremia 22:3

Bɔ AWURADE kã ɛhe: Ɛ́mɔbua ndɛen turoloo, ná ɛ́mɔyɔ bɔ ɔtengyɛ ɔ. Na ebiala bɔ babɔ ye apoo ne, ɛ́mɔpepɛ bele ye béfi aminɛlilɛfoɛ bɛ sa nu. Nnɛma ɛmɔyɔ bɔne betia ɛwɔfoɛ, ayisiaa anaa kunaniɛ, yeɛ nnɛma ɛmɔsisi bɛ. Afei koso, nnɛma ɛmɔkã mogya bɔ odi be ɔ begua wɔ ɛwa.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 18:16

onzisi ebie, ɔbɔ bosea a onne awowaa, ɔmva ebie nikyee patapaa so; na mmom ɔfa ye aleɛ ma bɔ ɛhɔen ku ye ɔ, ɔma bɔ ye nwo la so ɔ ɛtena,

Hesekiel 18:18

Na ye baba de, ɔnate kyɛ wali aminɛ, wafa obiɛngo nikyee patapaa so, wayɔ bɔ ɔtte mayee wɔ ye maen nu ne ati, tie, ɔnate ye amumuyɛɛ ti okowu.

Hesekiel 33:15

ná sɛ bɔnefoɛ ne fa nikyee bɔ bafa basi ye berɛ awowaa ne osa ma ye mene, osa fa nikyee bɔ wawua ɔ ɔma ye mene, ná odi ngoa ahyɛdeɛ ne aso, bɔ ɔnyɔ amumuyɛɛ a, ye de, amba, okonya ngoa, ongowu.

Hesekiel 7:23

Yɔ ngɔnzɔngɔnzɔ, ofikyɛ awuelilɛ ayi aseɛ ne aso to, nzɛmmɔnelilɛ ayi kuro ne anu to.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Lewitikɔso 25:14

Kyɛ ɛtɔne nikyee ma ebiɛngo oo, anaakyɛ ɛtɔ nikyee fi ye berɛ oo, nnɛma ɛmɔdi bɛ nwo aminɛ.

Amose 2:6

AWURADE nwa nyoo, “Ɔnate Yisrael ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛtɔne teneneeniɛ bɛfa bede ɛdwetɛ, yeɛ bɛtɔne ehianiɛ bɛfa bede mmaboa.

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 6:3

Ɛmɔ bɔ ɛmɔtu kyẽa tɛɛ ne bɛhyɛ dedeede, nakoso ɛmɔ yɔleɛ de, basabasa yeɛ ɔfa ba ɔ!

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

Mika 3:2

Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Sefania 1:9

Sɔ kyẽa ne, ebiala bɔ ohuru fa aponnwaa so ne, ngɔhwe ye so, bɛ ne bɛ bɔ bɛfa aminɛ ne apoo nningyein beyi bɛ mene awuro to ɔ.”

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Luka 3:11

Na obuale bɛ kyɛ, “Sona bɔ ole ataadeɛ aguasoɛ nyɔ ne, maa ɔhyɛ nu ma bɔ olle bie ɔ bie; yeɛ bɔ ole aleɛ ne koso, maa ɔyɔ sɔ ala.”

Deuteronomi 24:17

“Nnɛbua ɛwɔfoɛ anaa awisianiɛ ndɛengyea; yeɛ nnɛde kunaniɛ tena fa si wɔ berɛ awowaa.