Hesekiel 18:6 - AHYERƐLƐ KRONGRON

⁶ ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna, anaa ɔmva ye nwo nga brasua bɔ wabu ye sa,

Hesekiel 18:6 Iomraidhean Croise

Edwein 121:1

Mema me ti so mefa me nye mekyire mmokaa nemɔ. Nisua yeɛ me mmokalɛ fi ba ɔ?

Ɛksadɔso 34:15

Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Anyandera 6:29

Sɔ ala yeɛ ɔkɔto ebiala bɔ ɔkɔ ebie aye nwo ɔ, na ebiala bɔ ɔkɔ sɔ braa ne nwo ne, ɔngɔfa ye nwo ngoli tɔtorɔtɔɔ.

Hesekiel 18:15

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna,

Hesekiel 18:5

“Sɛ sona bie tengyɛ, ɔyɔ bɔ ɔte pɛpɛɛpɛ ne bɔ ɔtengyɛ,

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 20:7

Na nzele bɛ kyɛ: Odi kyɛ ɛmɔ nu biala ogyi akyiwadeɛ nningyein bɔ ɛmɔ nye gye ye nwo ne ogua. Nnɛma ɛmɔfa Misraim mmosoen begua ɛmɔ nwo fiɛ. Me ole AWURADE ɛmɔ Nyameɛ ne.

Hesekiel 6:13

Na ɛmɔkonwu kyɛ me ole AWURADE, mmerɛ bɔ bɛ mmenia kɔtotɔ kɔlela bɛ mmosoen nemɔ afia, bɔ bɛkɔpɛ b’afɔleɛ mmokyea nemɔ anwo bɛkɔbra bekoyia ne, wɔ pambaa tendenn biala so, wɔ mmokaa mukoraa bɛ ti afia ne, wɔ bakaa monɛ biala bo, wɔ eluii kusuu mukoraa bo, nekaa biala bɔ bɛbɔle ayirefona afɔleɛ bɛmane bɛ mmosoen nemɔ amukoraa ne.

Lewitikɔso 20:10

“Sɛ bienzua bie ne obiɛngo aye bɛbɔ adwaman a, odi kyɛ beku bienzua ne ɔne brasua bɔ babɔ adwaman ne bɛ munyɔ.

Lewitikɔso 20:18

Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

1 Korintofoɛ 10:20

Mekyire kyɛ aleɛ bɔ bosoensolɛfoɛ bɛfa bɛbɔ afɔleɛ ne, bɛfa bɛma sunzummɔne mɔ, na bɛmva bɛmma Nyameɛ; yiti menguro kyɛ ɛmɔ ne sunzummɔne mɔ kɔbɔ afɛ ɔ.

Deuteronomi 4:19

Na sɛ ɛto wɔ nye anwuro ná enwu eyia, ɛsraen, nzramaa ne anwuro abɔdeɛ pembepembe mukoraati a, nnɛmaa ɔtwetwe wɔ maa egua ndwerɛ wɔ bɛ nyunu, ná anzɔne bɛ, ofikyɛ bɛte nningyein bɔ AWURADE wɔ Nyameɛ afa ama mmenia mukoraati bɔ bɛwɔ wiase nekaa biala ɔ.

Hebrifoɛ 13:4

Odi kyɛ ebiala di agyaa ni, na nnɛma ebiala gua agyaa mba nwo fiɛ, ofikyɛ Nyameɛ kobua adwamanbɔlɛfoɛ ne agyaasɛkyelɛfoɛ ndɛen.