Hesekiel 18:4 - AHYERƐLƐ KRONGRON

⁴ Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Hesekiel 18:4 Iomraidhean Croise

2 Ahemvo 14:6

Nakoso sɔ kodiawufoɛ nemɔ, bɛ mma nemɔ de, wangukũ bɛ, kyɛbɔ amba, bahyerɛ ye wɔ Mose mmeraa nwomaa ne anu ne. Nu yeɛ AWURADE ahyɛ kyɛ, “Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.”

YOB NWOMAA NE 21:20

Mesrɛ kyɛ ye bɔbɔ ye nye onwu musue bɔ ɔkɔto ye ɔ, mesrɛ kyɛ onwu amaneɛ wɔ Tuminiɛ ne ye ɛyaafɛlɛ nu.

YOB NWOMAA NE 8:4

Sɛ wɔ mma nemɔ bɛyɔle ye bɔne a, wamaa banya bɛ mmeraatolɛ nwo akatuaa.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 57:16

Mengɔbɔ kwaadu afebɔɔ, yeɛ m’ahone koso ngohu daa, anyɔ a, sona sunzum ne ye kra bɔ me yeɛ mabɔ ne, bɛkɔyɛ mmerɛ wɔ me nyunu.

Yeremia 31:30

Nakoso ebiala kowu wɔ ye bɔbɔ ye amumuyɛɛ nwo; ebiala bɔ okoli abrɛbɛ bisii ne, ye bɔbɔ ye gye yeɛ okonya ɔ.

Hesekiel 18:20

Ɛkra biala bɔ ɔyɔ bɔne ne, ye yeɛ okowu ɔ. Baa ngonya ye baba amumuyɛɛ nwo asohwenɛ, yeɛ baba ngonya ɔwa amumuyɛɛ nwo asohwenɛ. Sona bɔ ɔtengyɛ ne, okonya ye tengyɛlɛ nwo akatuaa, yeɛ bɔnefoɛ koso, okonya ye bɔne nwo akatuaa.

Hesekiel 18:3

Susu amba, kyɛ nde ase ye, ɛmɔngobu sɔ anyandera ne ko wɔ Yisrael, AWURADE Nyameɛ noa dwirɛ ɛne.

Hesekiel 18:5

“Sɛ sona bie tengyɛ, ɔyɔ bɔ ɔte pɛpɛɛpɛ ne bɔ ɔtengyɛ,

Hesekiel 3:18

Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Hesekiel 33:8

Sɛ mekã mekyire bɔnefoɛ kyɛ, ‘Bɔnefoɛ, ewue yeɛ ekowu ɔ,’ ná andwudwo ammɔ bɔnefoɛ ne kɔkɔ maa wanyakyi ye yɔleɛ a, sɔ bɔnefoɛ ne kowu ye amumuyɛɛ nu, nakoso ye mogya de, wɔ berɛ yeɛ ngobisa ngofi ɔ.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 27:16

“AWURADE bɔ ɛte anwoɔnaen amukoraati, bɛ sunzum Nyameɛ ne, ye sona maa otua maen ye anoa,

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Deuteronomi 24:16

“Nnɛmaa begyina mmaa mɔ bɛ bɔne so beku awofoɛ, yeɛ nnɛmaa begyina awofoɛ bɛ bɔne so beku mmaa; na mmom ebiala ye bɔne so yeɛ ɔsɛ kyɛ begyina beku ye ɔ.

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?