Hesekiel 18:3 - AHYERƐLƐ KRONGRON

³ Susu amba, kyɛ nde ase ye, ɛmɔngobu sɔ anyandera ne ko wɔ Yisrael, AWURADE Nyameɛ noa dwirɛ ɛne.

Hesekiel 18:3 Iomraidhean Croise

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 16:44

“Tie, ebiala bɔ obu anyandera ne, okobu sɔ anyandera he kɔfa wɔ nwo: ‘Kyɛbɔ niɛ ne te ne, sɔ ala yeɛ ɔwa brasua ne koso ɔte ɔ.’

Hesekiel 18:2

“Sɔ anyandera he bɔ ɛmɔtaa bebu bɛfa Yisrael maen nwo ne, sɛɛ yeɛ ɛmɔkyire ɔ? Ɛmɔnwa: ‘Seɛ mɔ bali abrɛbɛ bisii, na mmaa mɔ yeɛ bɛ gye anya ɔ.’

Hesekiel 18:30

“Yiti Yisrael awuro ama, ngobua ɛmɔ nu biala ye atee bɔ ɔnate so ɔ nwo ndɛen, AWURADE Nyameɛ noa dwirɛ ɛne. Ɛ́mɔsakyera ɛmɔ adwene, ná ɛmɔhwe ɛmɔ nwo béfi ɛmɔ mmeraatolɛ amukoraa nwo, ná amumuyɛɛ wanyɛ ɛmɔ so sundidua.

Hesekiel 18:4

Ɛ́mɔtie, mmenia mukoraa bɛ kra te me deɛ. Na kyɛbɔ baba kra te me deɛ ne, sɔ ala yeɛ baa kra koso ɔte me deɛ ɔ: ɛkra bɔ ɔyɔ bɔne ne, ye yeɛ okowu ɔ.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.