Hesekiel 17:3 - AHYERƐLƐ KRONGRON

³ Kã kyɛ, AWURADE Nyameɛ nwa nyoo: Kɔleɛ kandinga bie, bɔ ole ndaa ngandinga ne ndɛkra ndendenn, bɔ ndɛkra woronworaen wɔ ye nwo amu ɔ ɔwale Lebanon. Obumane sida bakaa ne kɔme anu,

Hesekiel 17:3 Iomraidhean Croise

Yeremia 24:1

Babilɔn hene Nebukadenesa hyele Yekonia bɔ ye baba ole Yuda hene Yehoakim, ɔne Yuda mbanyi, adwiililɛfoɛ ne dwumvoɛ mɔ nnure fale bɛ fili Yerusalem hɔle Babilɔn. Ye si ye, AWURADE lale nyekyire ali hyirele me, na nwuni borɔdoma ngɛndɛen nyɔ bɔ begyigyi AWURADE asɔneyɛɛ sua ne anyunu ɔ.

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Yeremia 48:40

Ofikyɛ AWURADE nwa nyoo: “Tie, okotu kyɛ kɔleɛ, ná watrɛ ye ndaa nu wɔ Moabo so.

Yeremia 49:16

Wɔ nwo suronyi ne w’ahone nu anwomasoɛ ne, balakalaka wɔ. Wɔ bɔ ɛte nyɔbotaen bɔen mɔ nu, ɔne bokaa ti afia paa ɔ, ɔwɔ nu kyɛ ɛnwo wɔ saen anwuro anwuro kyɛ kɔleɛ deɛ de, nakoso ngɔhwe wɔ ngofi dɔ ngɔto ase, AWURADE noa dwirɛ ɛne.

Awuye 4:19

Yɛ ndaneanyeɛfoɛ mɔ, bɛ nwo yɛ nyera tra ewienu kɔleɛ mɔ. Bɛfoane yɛ wɔ mmokaa nemɔ aso, bɛtetɛle yɛ wɔ ɛserɛ so.

Hesekiel 17:4

ɔpale ye mmaen bɔ ɔwɔ ye ti dɔ paa ne, ɔfa hɔle aseɛ bie bɔ bedi dwaa so ɔ so, na ooluale ye wɔ dwadifoɛ kuro bie aso.

Hesekiel 17:7

“Nakoso né kɔleɛ kandinga bieku koso wɔ berɛ, bɔ ole ndaa ngandinga ne ndɛkra pee ɔ. Na tie, bobe ne tengyɛle ye ndii ne anu fili nekaa bɔ beluale ye ne ɔhɔle kɔleɛ ne anwo berɛ; na ɔtrɛtrɛle ye mmaen nemɔ hɔle ye nwo berɛ, kyɛ kɔleɛ ne oguagua ye so nzue.

Hesekiel 31:3

Nea, Asiria te kyɛ Lebanon sida, ye mmaen nyemenenyemene, pusaa bɔ ye bo te fɔnwoo ɔ, na ɔwale paa kɔ anwuro, na ye ti anwuro kɔkã munungum ne anu dɔ.

Daniel 2:38

Nekaa biala bɔ kuro mmenia, eburo ngaka ne ewienu nnomaa bɛte ne, wafa bɛ wawura wɔ sa, na wamaa ali bɛ mukoraa bɛ so tumi. Wɔ ole sikaa kɔkorɛ tire ne.

Daniel 4:22

Nana, wɔ ɛne. Wɔ yeɛ anyi ná anya anwoserɛ ne. W’anwoserɛ ne anyi, na watrɛ waadwu nyameɛso, na wɔ tumi ne waadwu aseɛ so nekaa biala.

Daniel 7:4

Né bɔ oli moa ne te kyɛ gyata, na né ole kɔleɛ ndaa. Na ngu so bɔ menea ne, betutuli ye ndaa nemɔ, bɛmane ye so befili aseɛnwo, bɛmaa ogyinane agyirɛ nyɔ so kyɛ sona, na bɛmane ye sona adwene.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Habakuku 1:8

Bɛ mbɔngɔ mɔ koso bɛ nwo yɛ nyera tra aboa, bɛte awerɔm bɛtra nɔsoa mbataku; bɛ pɔngɔhanɛfoɛ nemɔ behuru bɛpepe; amba, bɛ pɔngɔhanɛfoɛ nemɔ befi dedeede yeɛ bɛba ɔ; betu kyɛ kɔleɛ bɔ ɔpe ndɛen kɔkye naen di ɔ.

Mateo 24:28

Na nekaa bɔ efuin la ne, berɛ yeɛ mbɛtɛ bɛboa bɛ noa ɔ.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,