Hesekiel 16:8 - AHYERƐLƐ KRONGRON

⁸ “Na mmerɛ bɔ mebaapɛ nu wɔ nwo berɛ bieku ná nwuni wɔ nen, tie, né adwu ehurolɛ mmerɛ so; na ndrɛtrɛle me tena nu mva ngatale wɔ nwo bɔ ɔla so ne, na me ne wɔ yɛyɛle apam bɔ mvale ndaen mvoale so ɔ, na ɛɛyɛle me deɛ, AWURADE Nyameɛ noa dwirɛ ɛne.

Hesekiel 16:8 Iomraidhean Croise

Gyenesise 22:16

“AWURADE nwa nyoo, ɔnate bɔ ayɔ ne, bɔ amva ɛwa komapɛ twe ne ammɔ me aheɛ ne ati, mata me nwo ndaen kyɛ

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Ɛksadɔso 32:13

Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 43:4

Na ɔnate kyɛ wɔ nwo le mvasoɛ wɔ me nyunu, mapagya wɔ dibea, ná mekuro wɔ dwirɛ ne ati, mafa mmenia masesã wɔ, na mafa maen maen mɔ masi wɔ gya nu male wɔ ngoa.

Yeremia 31:3

AWURADE yele ye nwo ali hyirele me fili dedeede kyɛ, amba, ɔdɔ bɔ ɔwɔ berɛ afebɔɔ yeɛ mafa mahuro wɔ dwirɛ ɔ, maye m’ahone nu yeɛ mahwe wɔ mapingye ɔ.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Hesekiel 16:6

“Na mmerɛ bɔ mebaapɛ nu, ná nwuni wɔ kyɛ ɛbenzebenze wɔ nu ɛla berɛ wɔ wɔ mogya nu ne, nzele wɔ wɔ mmerɛ bɔ né ɛla wɔ mogya nu ne kyɛ, ‘Nya ngoa oo!

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Malaki 1:2

AWURADE nwa nyoo, “Mahuro ɛmɔ dwirɛ.” Nakoso ɛmɔbisa kyɛ, “Atee beni aso yeɛ ahuro yɛ dwirɛ ɔ?” Yisɔ, aso nna Yakob aliɛma ɔ?” AWURADE noa dwirɛ ɛne. “Nakoso ngurole Yakob dwirɛ,

Romanfoɛ 5:8

Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ.

Deuteronomi 4:31

Na ɔnate kyɛ AWURADE wɔ Nyameɛ te anwumvoinnwunɛ Nyameɛ ne ati, ɔngɔyakyi wɔ nu, yeɛ ongohu wɔ; na ɔne wɔ nana mɔ apam bɔ bɛyɛle, bɔ ɔfale ndaen foale so ne, ye wora ngofi.

Rutu 3:9

Obisale kyɛ, “Wɔ nwa ɛne?” Yeɛ obuale ye kyɛ, “Me ɔ, w’afaneɛ Rutu; trɛ wɔ tena ne anu fa kata me nwo, ofikyɛ wɔ yeɛ ɛte koliagyaa ɔ.”

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.