Hesekiel 16:6 - AHYERƐLƐ KRONGRON

⁶ “Na mmerɛ bɔ mebaapɛ nu, ná nwuni wɔ kyɛ ɛbenzebenze wɔ nu ɛla berɛ wɔ wɔ mogya nu ne, nzele wɔ wɔ mmerɛ bɔ né ɛla wɔ mogya nu ne kyɛ, ‘Nya ngoa oo!

Hesekiel 16:6 Iomraidhean Croise

Yesaya 14:19

nakoso wɔ de, bafindi wɔ bato bafi w’asieleɛ nu kyɛ bakaa mmaen bɔ ɔte akyiwadeɛ ɔ, kyɛ bɛ bɔ batotɔ ngrandɛ noa, bɔ bɛkɔ ɛborɔ kumaa nyɔboɛ nu, kyɛ efuin bɔ batiatia ye so ɔ.

Yesaya 51:23

Na ngɔfa ngowura bɛ bɔ bɛhyɛ wɔ so nemɔ bɛ sa nu, bɛ bɔ bahã bahyire wɔ kyɛ, ‘Da berɛ ma yɛtiatia wɔ so yɛhɔ’ ne; na ɛfale wɔ si yɛle kyɛ aseɛnwo, yeɛ ɛfa yɛle kyɛ atee maa bɛfale so.”

Hesekiel 16:22

Na w’akyiwadeɛ yɔleɛ ne wɔ gyandera amukoraa nu ne, angaye mmerɛ bɔ né ɛte abaayaa, bɔ né wɔ nwo la so kwaterekwa, bɔ né ɛla wɔ mogya nu ɛbenzebenze wɔ nu ne.

Hesekiel 16:5

Ebiala kunu andete ye wamma wɔ maa wannwu wɔ anwumvoin wanyɔ ɛhemɔ nu biala wamma wɔ. Na mmom, begyili wɔ bɛtole eburo, ofikyɛ kyẽa bɔ bɛwole wɔ ne, wɔ nwo yɛle mmenia tɛ.

Hesekiel 16:7

Mamaa anyi kyɛ eburo bakaa. Enyini yɛle tendenn, na wɔ nwo yɛle nyemene paa. Ɛbobɔle nyɔfone, wɔ nwiaa fuli, nakoso né wɔ nwo la so kwaterekwa.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Mateo 5:13

“Ɛmɔte aseɛ ye aso ngyee. Nakoso sɛ ngyee nu fɛɛ tu a, nzikyɛ yeɛ bɛkɔfa bekowura ye maa okosa kɔkakyi ngyee ɔ? Bɛfa bɛyɔ hwee a ɔnyɛ yee ko, sana begyi begua maa mmenia tiatia so.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Asomafoɛ 7:34

Manwu amaneɛ bɔ me mmenia nwu ye wɔ Misraim. Mate b’esuɛ koso, na madwu mawa ase kyɛ mebaaye bɛ mefi ngoaasolɛ nu. Yiti bra ma nzoma wɔ ma ɛhɔ Misraim.’

Romanfoɛ 9:15

Ofikyɛ ɔhã hyirele Mose kyɛ, “Bɔ ngonwu ye anwumvo ne yeɛ ngonwu ye anwumvoin ɔ, yeɛ bɔ ye nwo kɔyɛ me aworabɔ ne yeɛ ye nwo kɔyɛ me aworabɔ ɔ.”

Deuteronomi 9:4

“Na sɛ AWURADE wɔ Nyameɛ foa bɛ fi wɔ nyunu a, ɔyɛ a nnɛkã kyɛ, ‘Ɛtengyɛlɛ bɔ metengyɛ ti yeɛ AWURADE afa me wawa ɛwa kyɛ mmamva aseɛ ye ɔ.’ Na mmom, ɔnate maen hemɔ b’amumuyɛɛ ti yeɛ AWURADE ɔ́foa bɛ fi wɔ nyunu ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Nyekyire 14:20

Na betiatiale bobe mmaa ne aso wɔ kumaa bɔ betwi nzaa wɔ nu ne anu, wɔ kuro ne bondua, na mogya fili kumaa bɔ betwi nzaa wɔ nu ne anu hɔle anwuro oodwuli pɔngɔ tendenn, na ɔtengyɛle hɔle kɔyɛ kwanzii ɛyaa nyɔ.