Hesekiel 16:57 - AHYERƐLƐ KRONGRON

⁵⁷ koraka yeɛ w’amumuyɛɛ ne nwo baala so ɔ? Nakoso kekesaala ye de, Siria mma mmrasua mɔ ne bɛ bɔ bapɛ ye nwo bayia amukoraa, yeɛ Filistifoɛ mma mmrasua bɔ bapɛ wɔ nwo bayia amukoraa ne, ɛte bɛ ngorohoɛ dwirɛ.

Hesekiel 16:57 Iomraidhean Croise

Edwein 50:21

Ɛyɔle sɔ nningyein nemɔ bɔ mandɛ wɔ so ne ati, ɛdwene kyɛ nde kyɛ wɔ ala. Na afei de, mekã wɔ nyunu ná mebɔ wɔ kwaadu.

Yesaya 14:28

Afoɛ bɔ Nana Ahase wuli ne, nu ala yeɛ sɔ ngɔmhyɛlɛ he wale ɔ:

Yesaya 7:1

Yusia awa Yotam ɔwa Ahase bɔ ɔte Yuda hene ne, ye aberɛ so, Siria hene Resin ne Yisrael hene Peka bɔ ɔse ole Remalia ne, bɛɛfale koɛ bɛtetale Yerusalem, nakoso bangora banni so ngonim.

Yeremia 33:24

“Aso ɛttele kyɛ maen he bɛkekã kyɛ, ‘AWURADE apo mmusua nyɔ bɔ ɔneaneane nu yele bɛ ne’ ɔ? Ye sɔ ati, mmenia abu me maen animtia bɔ bemmu bɛ ko kyɛ bɛtte maen ɔ.

Awuye 4:22

Ao Sion awa brasua, w’amumuyɛɛ ne nwo akatuaa wawa ayieleɛ, na ɔngɔfa wɔ ngɔhɔ nnurehyelɛ nu ko. Nakoso wɔ, Edom awa brasua de, okootua w’amumuyɛɛ so kerɛ, na ɔkɔma wɔ bɔne kɔla ali.

Hesekiel 16:27

Yiti tie, ndwene me sa wɔ wɔ so, ndele w’aleɛ bɔ mva mane wɔ ne aso, na wɔ pɔfoɛ Filistifoɛ mmaa mmrasua bɔ wɔ bra fiɛ ne yɛle bɛ nya ne, mvale wɔ nwurale bɛ sa.

Hesekiel 16:56

Mmerɛ bɔ né ɛyɛ ahandaen ne, aso nna eliɛma brasua Sodom yeɛ né ɔte wɔ ngorohoɛ dwirɛ,

Hesekiel 21:24

“Yiti AWURADE Nyameɛ nwa nyoo: Ɛmɔ mmeraatolɛ ne, wala ali maa ɔnate so ɛmɔamaa wakaye ɛmɔ amumuyɛɛ, bɔ ɛmɔ bɔne da adi wɔ bɔ ɛmɔyɔ amukoraa nu ɔ. Na ɔnate kyɛ bɛkaye ɛmɔ ne ati, bɛkɔhye ɛmɔ nnure.

Hesekiel 22:4

Ɔnate wɔ mogya bɔ ahã agua ne ati, edi fɔ; na afa wɔ mmosoen bɔ ayɔ ne agua wɔ nwo fiɛ. Ama wɔ kyẽa ne apingye, na w’afoɛ nemɔ b’ayieleɛ ne adwu. Yiti, mamaa ayɛ nyanzoen nikyee wɔ maen maen mɔ bɛ nyunu, ɔne ngorohoɛ nikyee wɔ aseɛ amukoraa so.

Hesekiel 23:32

AWURADE Nyameɛ nwa nyoo: “Eliɛma brasua ye kulie bɔ nu te kuronn, ná osa trɛ ne, nu yeɛ ɛkɔno ɔ; na bɛkɔsere wɔ bɛkɔgoro wɔ nwo, ofikyɛ bɔ ɔwɔ nu ne, ɔsone pee.

Hesekiel 27:16

Ɔnate wɔ dwaa nningyein pee ne ati yeɛ Siria ɔne wɔ belili dwaa ɔ. Ɔfale ɛmerade nyɔboɛ, adaabene, ɛtena bɔ bali adwii bagua nu, nwera paa, nyɔboɛ nahanaha ne nyɔboɛ bɔ oli agate yeɛ ɔsesane wɔ dwaa nningyein ɔ.

Hesekiel 5:14

Afei koso, ngɔbɔ wɔ tɔɔ, yeɛ ngogua wɔ nyunu ase wɔ maen maen bɔ bapɛ wɔ nwo bayia nemɔ anu, ɔne ebiala bɔ ɔpɛ nu kɔ ɔ ye nyunu.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hosea 2:10

Na afei ngɔla ye nyanzoen bra ne ali wɔ ye kurofoɛ nemɔ nyunu, na ebiala ngɔpepɛ ngole ye ngofi me sa nu.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Sefania 3:19

Tie, sɔ mmerɛ ne, me ne bɛ bɔ bɛhyɛ wɔ so ne yɛkoli. Ngɔpepɛ ngole wɔ mmubuafoɛ nemɔ, ngɔboaboa bɛ bɔ babɔ aya nemɔ noa, na ngɔmaa bekonya animnyam ne dumaa wɔ aseɛ amukoraa bɔ bagua bɛ nyunu ase wɔ so ne aso.

Numeri 23:7

Yeɛ Balaam hyɛle ngɔm kyɛ, “Balake waafa me wafi Aram wawa, Moabo hene waafa me wafi eyia afiteleɛ mmokaa so. Ɔnwa: ‘Bra ná baanoma Yakob ma me; Bra baawa Yisrael amoen!’

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.