Hesekiel 16:5 - AHYERƐLƐ KRONGRON

⁵ Ebiala kunu andete ye wamma wɔ maa wannwu wɔ anwumvoin wanyɔ ɛhemɔ nu biala wamma wɔ. Na mmom, begyili wɔ bɛtole eburo, ofikyɛ kyẽa bɔ bɛwole wɔ ne, wɔ nwo yɛle mmenia tɛ.

Hesekiel 16:5 Iomraidhean Croise

Gyenesise 21:10

Yiti osele Abraham kyɛ, “Foa afaneɛ he ne ɔwa ne ma bɛhɔ, ofikyɛ sɔ afaneɛ he awa ɔne mma Yisake bɛngɔbɔ nu bengoli bia ko.”

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.

Yeremia 22:19

Bekosie ye kyɛbɔ besie afunum ɔ, bɛkɔhwe ye ase bekofindi ye bɛkɔto Yerusalem pambim nemɔ asi dɔ.”

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Awuye 2:19

Dwɔso, tea nu kɔngɔen: abunnamu ahyɛaseɛ, hwie wɔ sufrɛ ne kyɛ nzue fa to AWURADE nyunu. Ma wɔ sa so kyire ye, ɔnate wɔ mma mmaa mmaa mɔ bɛ ngoa ti; bɛ yeɛ ɛhɔen apɛ bɛ wɔ borɔnoɛ biala ngwandaa ɔ.

Awuye 4:10

Mmrasua bɔ bɛ kunu tete bɛ ɔ, bafa bɛ sa batõ bɛ bɔbɔ bɛ kunu mmaa bafa bakakyi bɛ noa aleɛ, wɔ me maen awa brasua ye amaneɛnwunɛ mmerɛ ne anu.

Awuye 4:3

Ɛserɛ so ngyea mɔ po, bɛyeye bɛ nyɔfone bɛma bɛ mma mɔ bɛno; nakoso me maen awa brasua akakyi atianuserɛniɛ kyɛ ɛserɛ so soholi mɔ.

Hesekiel 16:6

“Na mmerɛ bɔ mebaapɛ nu, ná nwuni wɔ kyɛ ɛbenzebenze wɔ nu ɛla berɛ wɔ wɔ mogya nu ne, nzele wɔ wɔ mmerɛ bɔ né ɛla wɔ mogya nu ne kyɛ, ‘Nya ngoa oo!

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Numeri 19:16

Sona biala bɔ ɔkɔhɔ buro ná ye nwo kɔha sona bɔ watɔ ngrandɛ noa, anaa sona bɔ wawu ye ɛdangama wue ye fuin, anaa ye nwo kɔha kuro sona bowue, anaa asieleɛ ne, ye nwo kogua fiɛ ɛlɛsoo.

Deuteronomi 32:10

“Onwuni ye wɔ ɛserɛ so, ɛserɛ pralaa suronyisuronyi so; ɔfale ye wurale ye kunu, ɔneane ye so, na ɔbɔle ye nwo waen kyɛ ye nye kyiremvua.