Hesekiel 16:44 - AHYERƐLƐ KRONGRON

⁴⁴ “Tie, ebiala bɔ obu anyandera ne, okobu sɔ anyandera he kɔfa wɔ nwo: ‘Kyɛbɔ niɛ ne te ne, sɔ ala yeɛ ɔwa brasua ne koso ɔte ɔ.’

Hesekiel 16:44 Iomraidhean Croise

1 Ahemvo 21:16

Ahabo tele kyɛ Yesreelniɛ Nabɔto wawu pɛ, osili nu kyɛ ɔkɔ Nabɔto bobe boo ne anu ɔkɔfa yɛ ye deɛ.

2 Ahemvo 17:11

Berɛ yeɛ bɛyerale ɛyɛɛ wɔ asɔneyɛɛ nemɔ amukoraa so ɔ, kyɛbɔ maen mɔ bɔ AWURADE foane bɛ fili Yisraelfoɛ nyunu nemɔ bɛyɔle ne ala. Bɛyɔle bɔne bɛfa bewurale AWURADE apue maa ɔfɛle yaa.

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

2 Ahemvo 21:9

Nakoso bandie ye dwirɛ. Manase lakalakale bɛ maa bɛyɔle bɔne bɛtrale maen maen mɔ bɔ AWURADE huhuni bɛ fili Yisraelfoɛ nyunu nemɔ.

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 12:23

Yiti kã kyire bɛ kyɛ, ‘AWURADE Nyameɛ nwa: Ngɔma sɔ anyandera he bo kɔpɛ, na bengobu sɔ anyandera ne ko wɔ Yisrael.’ Na mmom kã kyire bɛ kyɛ, ‘Ngyẽa ne apingye, na nyekyire biala kɔwa nu.

Hesekiel 16:3

ná kã kyɛ: Edwirɛ bɔ AWURADE Nyameɛ ɔkã kyire Yerusalem hɔ ɛhe: Wɔ si fi Kanaan aseɛ so, na berɛ koso yeɛ bɛwole wɔ ɔ. Né wɔ baba te Amoriniɛ, yeɛ wɔ maame te Hitiniɛ.

Hesekiel 16:45

Eni bɔ ye nye kyi ohu ɔne ye bɔbɔ ye kunu mmaa ne, ɛte ɔwa brasua amba. Yeɛ eliɛma mmrasua bɔ bekyi bɛ hu mɔ ɔne bɛ bɔbɔ bɛ kunu mmaa ne, ɛte b’eliɛma brasua amba. Eni te Hitiniɛ, yeɛ ɛse te Amoriniɛ.

1 Samuel 24:13

Na mbanyi mɔ bu anyandera kyɛ, ‘Sona bɔ ɔtte mayee ne, ye yɔleɛ koso ɔtte mayee.’ Nakoso me de, mengɔfa me sa ngɔhã wɔ.