Hesekiel 16:42 - AHYERƐLƐ KRONGRON

⁴² Na m’ahone bɔ wahu wɔ so paa ne, sɔ yeɛ ɔkɔmaa ɔkɔtɔ nzue nu ɔ. Ngɔyakyi wɔ nwo nungunɛhwenɛ ne, na me kunu kodwo bɔ mengɔfɛ yaa ko ɔ.

Hesekiel 16:42 Iomraidhean Croise

2 Samuel 21:14

Na besiele Sɔɔlo ne ɔwa Yonatan bɛ mmowue ne wɔ Sɔɔlo baba Kise asieleɛ nu, wɔ Sela, wɔ Benyamin aseɛ so. Bɛyɔle bɔ Nana Dawide ha hyirele bɛ ne amukoraa. Na ye si ye, Nyameɛ tiele aseɛ ne anwo mbaeɛ bɔ bɛbɔle ne.

2 Samuel 24:25

Dawide sili afɔleɛ bokyea mane AWURADE wɔ berɛ, na ɔbɔle naen yeralɛ afɔleɛ ne asomdwee afɔleɛ. Yiti AWURADE gyinane ye sufrɛ ne aso nwuni maen ne anwumvoin, na ɔpraprale ɛhawo ne fili Yisrael.

Yesaya 1:24

Yiti AWURADE, Asafo AWURADE, Yisrael Tuminiɛ ne, ɔnwa nyoo: Aa, bɛ bɔ bekyi me ne, ngɔfɛ bɛ so yaa piri paa, yeɛ ngɔtɔ me pɔfoɛ mɔ bɛ so wereɛ!

Hesekiel 21:17

Me koso ngɔbɔ me sa nu, ná afei mama m’ahone atɔ nzue nu. Me, AWURADE, me yeɛ mahã ɔ.”

Hesekiel 39:29

Mengɔfa me nyunu mengɔfea Yisrael awuro ama ko, ofikyɛ mahwie me Sunzum magua bɛ so, AWURADE Nyameɛ noa dwirɛ ɛne.”

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Sakaria 6:8

Na ɔteane nu sele me kyɛ, “Nea, bɛ bɔ bɛ́kɔ sorɔ dɔ maen ne anu ne, bama me Sunzum kunu adwo ye fɔnwoo wɔ sorɔ dɔ maen ne anu.”