Hesekiel 16:41 - AHYERƐLƐ KRONGRON

⁴¹ Bɛkɔto wɔ sua mɔ nu see, na bɛkɔhwe wɔ so bɔ mmrasua pee bɛ nye tua ɔ. Ngɔmaa ɛkɔyakyi gyanderabɔlɛ ne, na ɛngɔhyɛ nikyee ko.

Hesekiel 16:41 Iomraidhean Croise

2 Ahemvo 25:9

Ɔyerale AWURADE awuro ne, ahemvie ne, yeɛ Yerusalem sua amukoraa. Ɔyerale sua biala bɔ odi mu ɔ.

YOB NWOMAA NE 34:26

Ɔtwe bɛ so kyɛ bɔnefoɛ bɔ mmenia nye tua ɔ,

Yesaya 2:18

Amoen amukoraa bɛ boso komini.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yeremia 39:8

Kaldeafoɛ nemɔ fale see bɛyerale ahemvie ne, ɔne amanvoɛ awuro mɔ, na bedwirili Yerusalem fasue ne beguale ase.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Hesekiel 11:9

Ngotu ɛmɔ ngofi kuro ne anu, ngɔfa ɛmɔ ngowura ɛwɔfoɛ mɔ sa, na ngobua ɛmɔ ndɛen.

Hesekiel 16:33

Mmienzua yeɛ bɛma mmrasua gyanderafoɛ amukoraa akyɛdeɛ ɔ. Nakoso wɔ de, ɛfa w’akyɛdeɛ ɛma mmienzua bɔ bekuro wɔ amukoraa, na ɛma bɛ fea-ase-ma, kyɛ béfi nekaa biala bɛbra wɔ berɛ bɛ ne wɔ bɛɛbɔ adwaman.

Hesekiel 23:10

Benwuni ye nwo, bɛhyele ye mma mmienzua ne mmrasua; na ye bɔbɔ de, bɛfale ngrandɛ behuni ye. Na bɛhwene ye so nen, mmrasua fale ye dwirɛ ne gorole ye nwo.

Hesekiel 23:27

Na wɔ nyanzoen bra ne wɔ gyandera bra bɔ ɛne ye fili Misraim aseɛ so wale ne, ngotu ye bo; amaa ɔnate so ambagya wɔ nye angyire Misraimfoɛ anaa angaye bɛ ko.

Hesekiel 23:48

Sɔ yeɛ ngotu nyanzoen bra bo ngofi aseɛ ne aso ɔ, amaa ɔnate so wayɛ kɔkɔbɔlɛ wama mmrasua amukoraa, ná bammɔ nyanzoen bra kyɛbɔ ɛmɔabɔ ne.

Hesekiel 37:23

Bɛngɔfa bɛ mmosoen ne b’akyiwadeɛ nningyein anaa bɛ mmeraatolɛ biala bengogua bɛ nwo fiɛ ko. Na mmom ngɔpepɛ ngole bɛ ngofi bɛ makyebu amukoraa bɔ bali bafa bayɛ bɔne ne anwo; ngɔte bɛ nwo, na bɛkɔyɛ me maen, ná me wora mayɛ bɛ Nyameɛ.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 13:2

“Sɔ kyẽa ne, ngonunu mmosoen dumaa boso ngofi aseɛ ne aso, bɔ ɔnate so bɛngɔkaye bɛ ko ɔ; yeɛ ngotu ngɔmhyɛlɛfoɛ ne sunzum tɛɛ bo ngofi aseɛ ne aso, Asafo AWURADE noa dwirɛ ɛne.

Deuteronomi 13:11

Na Yisraelfoɛ amukoraati bɛkɔte, bekosuro, na bɛngɔyɔ amumuyɛɛ bɔ ɔte sɔaa ko wɔ ɛmɔ nu.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Deuteronomi 22:24

odi kyɛ ɛmɔfa bɛ munyɔ bɛba kuro berɛ pambim ne anu, ná ɛmɔboro bɛ nyɔboɛ beku bɛ. Ɛ́mɔhu braa ne, ofikyɛ né ɔwɔ kuro nu, nakoso wandeatea nu wamvrɛ mmenia; ɛ́mɔhu biaa ne koso, ofikyɛ wafa obiɛngo aye. Yiti ɔsɛ kyɛ etu bɔne ne bo fi wɔ nu.

1 Timoteo 5:20

Na bɛ bɔ bɔne ali bɛ ti ne, kã bɛ nyunu wɔ asɔre mma ne amukoraa nyunu, amaa ɔnate so bɛ ngaa ne basuro.