Hesekiel 16:3 - AHYERƐLƐ KRONGRON

³ ná kã kyɛ: Edwirɛ bɔ AWURADE Nyameɛ ɔkã kyire Yerusalem hɔ ɛhe: Wɔ si fi Kanaan aseɛ so, na berɛ koso yeɛ bɛwole wɔ ɔ. Né wɔ baba te Amoriniɛ, yeɛ wɔ maame te Hitiniɛ.

Hesekiel 16:3 Iomraidhean Croise

Gyenesise 11:25

Na Nahɔ wole Tera nen, ye si ye olili afoɛ ɛyaa ko ne buru ne ngona, na ɔwole mmaa mmienzua ne mmrasua mɔ koso.

Gyenesise 11:29

Abram ne Nahɔ begyigyale mmraa. Abram aye ne li Sarae, yeɛ Nahɔ aye ne koso li Milka, bɔ ɔne Yisika bɛ se ole Haran ne.

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

1 Ahemvo 21:26

Olili mmosoen si yɔle akyiwadeɛ, kyɛ Amorifoɛ bɔ AWURADE foane bɛ fili Yisraelfoɛ nyunu nemɔ ala.)

2 Ahemvo 21:11

“Ɔnate kyɛ Yuda hene Manase wayɔ sɔ akyiwadeɛ nemɔ, ná ye bɔne tra Amorifoɛ bɔ né bɛwɔ Kanaan aseɛ so koraka yeɛ ɔbaatena so ne, bɛ bɔne amukoraa, ná afei ɔnate ye mmosoen nemɔ aso wahwehwe Yuda wahɔ bɔne nu ne ati,

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Nehemia 9:7

Wɔ yeɛ ole AWURADE Nyameɛ bɔ ɛneaneane nu yele Abram fili Kaldeafoɛ kuro Yure so, ná ɛtole ye dumaa Abraham ɔ.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 43:27

Wɔ nana bɔ oli moa ne, ɔyɔle bɔne, yeɛ wɔ kamafoɛ nemɔ koso, bɛyɔle mvomsoɛ betiale me.

Hesekiel 16:2

“Sona awa, ma Yerusalem onwu ye akyiwadeɛ bra bɔ wabɔ ɔ,

Hesekiel 16:4

Na aworɛ nu ne, kyẽa bɔ bɛwole wɔ ne, bambɛ wɔ kotoa, yeɛ bamva nzue bammia wɔ bamma wɔ nwo amvi, bamva ngye bambopa wɔ, yeɛ bamva ɛtena bangyekye wɔ nwo.

Hesekiel 16:45

Eni bɔ ye nye kyi ohu ɔne ye bɔbɔ ye kunu mmaa ne, ɛte ɔwa brasua amba. Yeɛ eliɛma mmrasua bɔ bekyi bɛ hu mɔ ɔne bɛ bɔbɔ bɛ kunu mmaa ne, ɛte b’eliɛma brasua amba. Eni te Hitiniɛ, yeɛ ɛse te Amoriniɛ.

Hesekiel 21:30

Sa fa wɔ ngrandɛ ne wura ye bɔha nu, nekaa bɔ bɛbɔle wɔ ne, aseɛ bɔ bɛwole wɔ bɛtole so ne aso, berɛ yeɛ ngobua wɔ ndɛen ɔ.

Mateo 11:24

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom aseɛ ne, ongodwu bɔ ɔkɔto wɔ ne!”

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Luka 3:7

Yeɛ osele mmenia wora bɔ bɛwale kyɛ ɔbɔ bɛ asu ne kyɛ, “Ɛbɔnaa mmaa! Nwa yeɛ ɔbɔle ɛmɔ kɔkɔ kyɛ ɛmɔnwati befi ɛyaafɛlɛ bɔ ɔ́ba ne ɔ?

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

Ɛfesofoɛ 2:3

Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

Deuteronomi 20:17

Odi kyɛ enua bɛ boso bɔkɔɔ: Hitifoɛ ne Amorifoɛ, Kanaanfoɛ ne Perisifoɛ, Hiwifoɛ ne Yebusifoɛ, kyɛbɔ AWURADE wɔ Nyameɛ hyɛle wɔ ne;

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 13:4

Kanaanfoɛ aseɛ ne amukoraati, Meara bɔ ɔte Sidonfoɛ aseɛ ne, toonn bɔ ɔkwaadwu Afeke bɔ ɔwɔ Amorifoɛ ɛwɛen so ne;

Yosua 24:14

“Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.