Hesekiel 16:12 - AHYERƐLƐ KRONGRON

¹² Mvale kaa nwurale wɔ bonyi anu, mvale asomade koso nwurale wɔ, na mvale abotire nyemenenyemene mmɔle wɔ.

Hesekiel 16:12 Iomraidhean Croise

Gyenesise 24:47

Na mmisale ye kyɛ, ‘Nwa awa ole wɔ?’ Obuale kyɛ, ‘Nahɔ ne ɔye Milka awa bienzua Betuel ɔwa ole me.’ Na mvale bonyi kaa ne nwurale ye, yeɛ bɛ sa kɔm ngaa ne koso mva nwurale ye.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Edwein Nu Dwein 1:10

Mbembenanneɛ fata wɔ so taa nu, yeɛ sikaa kɔkorɛ akomuade fata wɔ kɔme.

Edwein Nu Dwein 1:11

Yɛkɔyɔ sikaa kɔkorɛ asomade bɔ ɛdwetɛ tuatua nu ɔ yɛkɔma wɔ.

Yesaya 28:5

Sɔ kyẽa ne, Asafo AWURADE kɔyɛ animnyam abotire ne ahemvo kyerɛ nyemenenyemene kɔma ye mmenia bɔ baha ne.

Yesaya 3:19

bɛ mbembenanneɛ, bɛ sa kɔm ngaa, yeɛ bɛ kɔme anu duku ne;

Yesaya 3:21

bɛ mbɛteaa ne bɛ bonyi anu mbɔkoaa;

Yeremia 13:18

Kã kyire ɛhene ne ɛhemmaa ne kyɛ, “Ɛ́mɔbrɛ ɛmɔ nwo ase, ɛ́mɔtena ase, ofikyɛ ɛmɔ ahennie ne kɔtɔ ase, ɛmɔ animnyam ahennie abotire nyemene ne, ɔkɔtɔ ase.”

Hesekiel 16:14

Na ɔnate w’anwonyemene ne ati, wɔ dumaa trɛle hɔle maen maen mɔ nu, ofikyɛ animnyam bɔ mva mane wɔ ne, ɔmane w’anwonyemene ne lili mu, AWURADE Nyameɛ noa dwirɛ ɛne.

Hesekiel 16:17

Me sikaa kɔkorɛ mbembenanneɛ ne me dwetɛ mbembenanneɛ bɔ mva mane wɔ ne koso, ɛfa yɔle wɔ mmosoen mmienzua, na ɛfale wɔ nwo mane bɛ bɔle gyandera.

Hesekiel 21:26

na AWURADE Nyameɛ nwa nyoo: Tu abotire ne, tu ɛhene abotire ne, na dibea ne ngɔyɛ kyɛ ye daa ne ala. Ma awiɛmvoɛ ne aso, ná brɛ anwomasoɛniɛ ne ase.

Hesekiel 23:42

Né mmenia pee bɔ ɛhwee mva bɛ nwo ɔ bɛteatea nu wɔ ye nwo berɛ, yeɛ né akɔnomnzafoɛ bɔ bɛɛfale bɛ befili ɛserɛ so koso ɔ bɛwɔ berɛ bie; na bɛfale ngaa beguaguale mmrasua nemɔ bɛ sa kɔm, yeɛ bɛfale abotire nyemenenyemene koso bɛbobɔle bɛ.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.