Hesekiel 16:11 - AHYERƐLƐ KRONGRON

¹¹ Mvale mbembenanneɛ nziesiele wɔ nwo, mvale kaa nguale wɔ sa kɔm, yeɛ mvale akomuade ndole wɔ kɔme anu.

Hesekiel 16:11 Iomraidhean Croise

Gyenesise 24:22

Afupɔngɔ nemɔ none nzue ne yiele nen, biaa ne fale sikaa kɔkorɛ kaa bɔ nu nonɛ te kilo ko nu ngyɛmuɛ ɛyaa nyɔ wurale ye. Osa fale bɛ sa kɔm sikaa kɔkorɛ ngaa nyɔ bɔ nu nonɛ te kilo ko nu ngyɛmuɛ buru wurale ye.

Gyenesise 24:47

Na mmisale ye kyɛ, ‘Nwa awa ole wɔ?’ Obuale kyɛ, ‘Nahɔ ne ɔye Milka awa bienzua Betuel ɔwa ole me.’ Na mvale bonyi kaa ne nwurale ye, yeɛ bɛ sa kɔm ngaa ne koso mva nwurale ye.

Gyenesise 24:53

Afei somvoɛ ne yele ɛdwetɛ ne sikaa kɔkorɛ mbembenanneɛ ne ɛtena, na ɔfa mane Rebɛka. Osa mane oliɛma bienzua ne oni nningyein bɔ ye nyɔboɛ yɛ se ɔ.

Gyenesise 35:4

Yiti bɛsesale Amaenmaensofoɛ nyameɛ mukoraa bɔ ɔwɔ bɛ nwo ne, ɔne b’asomade bɔ owura bɛ ne bɛmane Yakob; na Yakob fu wurale eluii bɔ né opingye Sɛkem ne abo.

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

Ɛseta 2:17

Na Nana Ahasuro hurole Ɛseta trale mmrasua ngaa ne amu. Ohurole ye dwirɛ, na ye nye gyele ye nwo trale mmabunu ne amu, yiti ɔfale ɛhemmaa kyerɛ ne wurale ye, na ɔfale ye sili hemmaa sili Wasiti gya nu.

YOB NWOMAA NE 42:11

Afei Yob aliɛma mmienzua mukoraa ne oliɛma mmrasua mukoraa ne ebiala bɔ né ɔse Yob daa ne, bɛwale ye berɛ, na bɛ ne ye didili wɔ ye awuro. Bɛdodole ye, na bɛkyekyele ye wora wɔ amaneɛ amukoraa bɔ AWURADE maa ɔtole ye ne anwo. Bɛ nu biala mane ye sikaa ne sikaa kɔkorɛ kaa ko.

Ɛksadɔso 32:2

Na Aarɔn buale bɛ kyɛ, “Ɛ́mɔyeye sikaa kɔkorɛ asomade bɔ owurawura ɛmɔ aye mɔ, ɛmɔ mma mmienzua ne mmrasua mɔ, ná ɛ́mɔfa bɛ́brɛ me.”

Ɛksadɔso 35:22

Yiti mmienzua ne mmrasua mukoraati, bɔ né bekuro kyɛ bɛboka ne, bɛfale sikaa kɔkorɛ mbembenanneɛ amukoraa bɛwale: asomade, mbɛteaa, nzɔanoɛ mbɛteaa ne akomuade. Na bɛ mukoraa bɛfale sikaa kɔkorɛ ahoroɔ ayɛyelɛ nningyein bɛbrɛle AWURADE.

Anyandera 1:9

ofikyɛ bɛte animnyam abotire bɔ ɔbɔ wɔ ti ɔ, ɔne akomuade bɔ ɔya wɔ ɔ.

Anyandera 25:12

Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 4:9

Ɔkɔfa animnyam abotire kɔbɔ wɔ, ɔkɔfa abotire nyemenenyemene kɔbɔ wɔ.”

Edwein Nu Dwein 1:10

Mbembenanneɛ fata wɔ so taa nu, yeɛ sikaa kɔkorɛ akomuade fata wɔ kɔme.

Edwein Nu Dwein 4:9

Nniɛma brasua, m’atɔmvorɛ braa, amaa mede me nwo a onne, wɔ nye bɔ afa anea me ne, yeɛ akomuade ko bɔ ɔla wɔ kɔme ne, amaa mede me nwo a onne.

Yesaya 28:5

Sɔ kyẽa ne, Asafo AWURADE kɔyɛ animnyam abotire ne ahemvo kyerɛ nyemenenyemene kɔma ye mmenia bɔ baha ne.

Yesaya 3:19

bɛ mbembenanneɛ, bɛ sa kɔm ngaa, yeɛ bɛ kɔme anu duku ne;

Yesaya 3:21

bɛ mbɛteaa ne bɛ bonyi anu mbɔkoaa;

Awuye 5:16

Y’ahennie abotire ne, watu wafi yɛ ti so. Edwirɛ ato yɛ oo, ɔnate kyɛ yayɔ bɔne!

Hesekiel 16:17

Me sikaa kɔkorɛ mbembenanneɛ ne me dwetɛ mbembenanneɛ bɔ mva mane wɔ ne koso, ɛfa yɔle wɔ mmosoen mmienzua, na ɛfale wɔ nwo mane bɛ bɔle gyandera.

Hesekiel 23:40

Betuli ɛbɔfoɛ mɔ po maa bɛhɔle dedeede bɛɛfale mmenia bɛwale. Na bɛwale nen, ɔnate bɛ ti ebiale, ɛtole wɔ nye asi, na ɛfale mbembenanneɛ siesiele wɔ nwo;

Hesekiel 23:42

Né mmenia pee bɔ ɛhwee mva bɛ nwo ɔ bɛteatea nu wɔ ye nwo berɛ, yeɛ né akɔnomnzafoɛ bɔ bɛɛfale bɛ befili ɛserɛ so koso ɔ bɛwɔ berɛ bie; na bɛfale ngaa beguaguale mmrasua nemɔ bɛ sa kɔm, yeɛ bɛfale abotire nyemenenyemene koso bɛbobɔle bɛ.

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Lewitikɔso 8:9

Ɔfale abotire ne bɔle ye, na ɔfale sikaa kɔkorɛ taataa ne, bɔ yeɛ ɔte krongronyɛlɛ kyerɛ ne bɔle abotire ne aso wɔ ye nyunu, kyɛbɔ Nyameɛ hyɛle Mose ne ala.

Numeri 31:50

Na bɔ yɛ nu biala nwuni ye ne: sikaa kɔkorɛ mbembenanneɛ, bɛ bati ngaa ne bɛ sa kɔm ngaa, nzɔanoɛ ngaa, asomade ne akomuade, yafa AWURADE afɔleɛ yabrɛ ye, na yafa yapata yama yɛ kra wɔ AWURADE nyunu.”

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Maenbulɛfoɛ 8:24

Yeɛ Gideon toale so sele bɛ kyɛ, “Ɛ́mɔma nzrɛ ɛmɔ nikyee ko: Koɛ nu nzesadeɛ asomade bɔ ebiala wanya ye ne, ɔ́ma me ko.” (Né pɔfoɛ nemɔ bele esikaa kɔkorɛ asomade, ofikyɛ bɛte Yismael boso ama.)