Hesekiel 15:7 - AHYERƐLƐ KRONGRON

⁷ Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Hesekiel 15:7 Iomraidhean Croise

1 Ahemvo 19:17

Sona biala bɔ Hasael wannya ye wangu ye ne, odi kyɛ Yehu ku ye. Na sona biala bɔ Yehu wannya ye wangu ye ne, odi kyɛ Elisa ku ye.

Edwein 34:16

AWURADE tu ye nye sie bɔnefoɛ so, kyɛ okonua bɛ boso kofi aseɛ so.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Yesaya 24:18

Na ɔkɔwa kyɛ, sona bɔ ɔte ahunundetelɛ ne nga, ná ɔnwati ne, ɔkɔɔtɔ kumaa ne anu, yeɛ bɔ okofi kumaa ne anu kɔfo kɔwa ne koso, ngaen ne kɔhye ye. Ofikyɛ nyameɛso mboma nemɔ abukyebukye, na aseɛ nyinasoɛ nemɔ bɛwosowoso.

Yeremia 21:10

Ofikyɛ matu me nye masie kuro he aso kyɛ ngɔfa bɔ ɔtte mayee ɔ ngoli ye, na mmom nna paa ɔ, AWURADE noa dwirɛ ɛne. Bɛkɔfa bekowura Babilɔn hene sa, na ɔkɔfa see kɔyera ye.’

Hesekiel 11:10

Ɛmɔkɔtotɔ ngrandɛ noa, ngɔhwe ɛmɔ so wɔ Yisrael ɛwɛen so, na ɛmɔkonwu kyɛ me ole AWURADE.

Hesekiel 14:8

Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Hesekiel 15:6

Yiti AWURADE Nyameɛ nwa nyoo: Kyɛbɔ bobe bakaa bɔ ɔfra ɛhɔayeɛ nu mmakaa nu, bɔ mafa masɔ see mayera ye nen, sɔ ala yeɛ ngɔmaa ɔkɔto Yerusalemfoɛ ɔ.

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 20:42

Na ɛmɔkonwu kyɛ me ole AWURADE, mmerɛ bɔ ngɔfa ɛmɔ ngɔwa Yisrael aseɛ so, aseɛ bɔ ndale ndaen kyɛ ngɔfa ngɔma ɛmɔ nana mɔ ne.

Hesekiel 20:44

O Yisrael awuro ama, sɛ me dumaa ti menwu ɛmɔ anwumvoin, ná mangyina ɛmɔ bɔne so, anaa ɛmɔ yɔleɛ tɛɛ so me ne ɛmɔ yanni ye weewee a, ye de ɛmɔkonwu kyɛ me ole AWURADE; AWURADE Nyameɛ noa dwirɛ ɛne.”

Hesekiel 33:29

Na b’akyiwadeɛ bra bɔ babɔ ne amukoraa, sɛ ɔnate ye ti mekakyi aseɛ ne kurofoen, ná memaa ɔda berɛ mbaen a, yeɛ afei bekonwu kyɛ me ole AWURADE ɔ.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Hesekiel 6:7

Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Amose 5:19

Wayɛ kyɛ sona bɔ wanwati gyata bɔ kwabrafo waayia ye ɔ; anaa wahɔ awuro waafa ye sa wafua fasue so, ná ewoo aha ye ɔ.