Hesekiel 15:6 - AHYERƐLƐ KRONGRON

⁶ Yiti AWURADE Nyameɛ nwa nyoo: Kyɛbɔ bobe bakaa bɔ ɔfra ɛhɔayeɛ nu mmakaa nu, bɔ mafa masɔ see mayera ye nen, sɔ ala yeɛ ngɔmaa ɔkɔto Yerusalemfoɛ ɔ.

Hesekiel 15:6 Iomraidhean Croise

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yeremia 21:7

Ye si ye, AWURADE nwa nyoo: Yuda hene Sedekia, ye somvoɛ mɔ, maen ne, yeɛ kuro ye aso ama bɔ bekonya bɛ ti bekodidi nu bekofi ewue anwonyerɛ ne anu, ngrandɛ noa, ɔne ɛhɔen ne anu ne, ngɔfa bɛ ngowura Babilɔn hene Nebukadenesa sa, bɛ pɔfoɛ mɔ sa ne mmenia bɔ bɛpena bɛ beku bɛ nemɔ sa. Na ɔkɔfa ngrandɛ kohũhũ bɛ. Ɔngɔyakyi bɛ, ongonwu bɛ anwumvoin, yeɛ bɛ nwo ngɔyɛ ye aworabɔ.’

Yeremia 25:18

Bɛ ɛhe: Yerusalem ne Yuda nguro, nu ahemvo ne nu nnehyeɛ, kyɛ bɛyɛ kurofoen, anwodwiri nikye, bɔ mmenia besobi bɛ noa gua bɛ so ɔ, ɔne ɛnomalɛ nikye, kyɛbɔ ɔte ɛnɛ ye;

Yeremia 4:7

Gyata bie afi ye sosorɛ bo wafite, na maen maen sɛkyelɛniɛ ne, waye ye ti ɔba; wafi ye atenaleɛ berɛ ɔba, kyɛ ɔbaabɔ wɔ maen ne; na wɔ nguro nemɔ kɔkakyi kurofoen, bɔ sona biala ngɔtena so ɔ.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Hesekiel 15:2

“Sona awa, nzikyɛ yeɛ bobe bakaa fa tra bakaa biala ɔ, anaa nzikyɛ yeɛ bobe mmaen ɔfa tra ɛhɔayeɛ nu mmakaa mɔ ɔ?

Hesekiel 15:4

Tie, bɛfa bɛsɔ see maa ye ti ne ye ti ne ɔyera, na ye afia ne tɔ nzoen a, aso bɛfa bɛyɔ nikyee bie a ɔyɛ yee anaa?

Hesekiel 15:5

Tie, ɛfa ye mumua ne ɛyɔ nikyee a ɔnyɛ yee, na sɛ see yera ye maa ɔtɔ nzoen a, ɔkɔyɛ sɛɛ né ahora afa ayɔ nikyee bie maa wayɛ yee?

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”