Hesekiel 15:2 - AHYERƐLƐ KRONGRON

² “Sona awa, nzikyɛ yeɛ bobe bakaa fa tra bakaa biala ɔ, anaa nzikyɛ yeɛ bobe mmaen ɔfa tra ɛhɔayeɛ nu mmakaa mɔ ɔ?

Hesekiel 15:2 Iomraidhean Croise

Edwein Nu Dwein 2:13

Borɔdoma ahyɛ ye bo osu, bobe nemɔ abɔ nyerɛen, bɛbo fonafona. Dwɔso, me kurofoɛ, me kurofoɛ anwonyemene, bra e!

Edwein Nu Dwein 2:15

Ɛ́mɔhyehye safuboa nemɔ bɛ́ma yɛ, safuboa mmaa mmaa mɔ bɔ bɛsɛkye bobe boo ne, ofikyɛ yɛ bobe nemɔ asu.”

Edwein Nu Dwein 6:11

Ndwu ngɔle kube turo ne anu, kyɛ mekwaanea bɔnza ne anu mmakaa frɔmfrɔm nemɔ, kyɛ mekwaanea sɛ bobe nemɔ bafefɛ a, kyɛ mekwaanea sɛ akengaa nemɔ babɔ nyerɛen a.

Edwein Nu Dwein 7:12

Maa yɛpɛ aleɛ yɛhɔ bobe boo nemɔ anu yɛɛnea sɛ bobe nemɔ bafefɛ a, sɛ bapakye nyerɛen a, sɛ akengaa nemɔ babɔ nyerɛen a. Dɔ yeɛ ngohyire me hurolɛ ngohyire wɔ ɔ.

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Hesekiel 15:1

Yeɛ AWURADE lale ye dwirɛ ali hyirele me kyɛ,

Hesekiel 15:3

Aso bɛfa ye bakaa bɛyɔ nikyee bie anaa? Aso mmenia pɛ ye tɔkorɔ, kyɛ bɛfa nikyee bie besinze so anaa?

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Sakaria 11:2

Wɔ, ɛframmire, bɔ awuye, ofikyɛ sida atutu atɔ ase, ofikyɛ animnyam mmakaa nemɔ basɛkye. Basan eluii mɔ, ɛ́mɔbɔ awuye, ofikyɛ babu ɛhɔayeɛ too ne bagua.