Hesekiel 14:9 - AHYERƐLƐ KRONGRON

⁹ Na sɛ ngɔmhyɛlɛniɛ ne ma ye nwo ate maa bɛlakalaka ye, ná ɔkã dwirɛ a, ye de me AWURADE yeɛ malakalaka sɔ ngɔmhyɛlɛniɛ ne ɔ. Ngɔtengyɛ me sa ngɔhwe ye so, ná mahũ ye mafi me maen Yisrael nu.

Hesekiel 14:9 Iomraidhean Croise

2 Aberɛso Dwirɛ 18:22

Yiti Nana Ahabo tie, AWURADE afa anoanu sunzum wawura wɔ ngɔmhyɛlɛfoɛ hemɔ bɛ noa nu, na amaneɛ kandinga paa yeɛ AWURADE wahyehyɛ wato berɛ wama wɔ ɔ.”

YOB NWOMAA NE 12:16

Ye berɛ yeɛ anwoserɛ ne nworɛ wɔ ɔ, sona bɔ bɛlakalaka ye ne, ɔne nnakannakaniɛ ne, bɛ munyɔ bewura ye bo.

Yesaya 10:4

Ɛmɔkokundukundu berɛ wɔ kukunufoɛ nemɔ anu, anaakyɛ bekohu ɛmɔ bɛkɔfra bɛ bɔ batotɔ ne. Na ɛhemɔ amukoraa nu ne, AWURADE ahone ngɔtɔ nzue nu, na okodwɔso kotia bɛ.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yesaya 63:16

Ofikyɛ wɔ yeɛ ɛte yɛ Baba ɔ, ɔwɔ nu kyɛ Abraham nze yɛ, yeɛ Yisrael koso onne yɛ ndo nu; O AWURADE, wɔ yeɛ ɛte yɛ Baba ɔ, yɛ Defoɛ, wɔ dumaa ne ɔwɔ berɛ fi tetetete.

Yesaya 66:4

Na me koso, ngɔneanea nu ngɔye asohwenɛ ngɔma bɛ, na bɔ besuro ne yeɛ ngɔmaa ɔkɔto bɛ ɔ; ofikyɛ mvrɛle ne, ebiala andɛ me so, ndwudwole ne, bandie, na mmom bɛyɔle bɔ ɔte bɔne wɔ me nye so ɔ, yeɛ bɔ me nye ngye ye nwo ne yeɛ bɛfale ɔ.”

Yesaya 9:12

Siriafoɛ kofi eyia afiteleɛ, yeɛ Filistifoɛ kofi eyia atɔleɛ, na bɛkɔbaye bɛ noa nu bɛkɔme Yisrael. Na ɛhemɔ amukoraa nu ne, ye ahone andɔ nzue nu, na ɔtɛ dwɔso tia bɛ.

Yesaya 9:17

Ye sɔ ne ati, AWURADE nye ngɔgye bɛ mmerandeɛ nemɔ nwo, yeɛ ongonwu bɛ nyisiaa ne b’akunafoɛ mmrasua anwumvoin; ofikyɛ bɛ mukoraa benzuro Nyameɛ, bɛte bɔnefoɛ, na ebiala kekã ngwaseasɛm. Na ɛhemɔ amukoraa nu ne, AWURADE ahone andɔ nzue nu, na ɔtɛ dwɔso tia bɛ.

Yesaya 9:21

Manase keka Efraim di, yeɛ Efraim koso keka Manase di, na bɛ munyɔ bɛko betia Yuda, Na ɛhemɔ amukoraa nu ne, wanyakyi bɛ so yaa fɛlɛ, na ɔtɛ dwɔso tia bɛ.

Yeremia 14:15

Yiti bɔ AWURADE kã fa sɔ ngɔmhyɛlɛfoɛ nemɔ nwo ɛhe: Bɛ yeɛ bɛfa me dumaa bɛhyɛ ngɔm, bɔ nna me yeɛ nzomane bɛ ɔ. Nakoso bɛnwa, ‘Koɛ ne ɛhɔen ngɔwa aseɛ he aso.’ Sɔ ngɔmhyɛlɛfoɛ nemɔ, ngrandɛ ne ɛhɔen yeɛ okohũhũ bɛ ɔ.

Yeremia 4:10

Yeɛ ngane kyɛ, “Aa, AWURADE Nyameɛ, ye de, amba alakalaka maen ye ne Yerusalem, ofikyɛ ɛhane kyɛ, ‘Okoyie ɛmɔ yé’, wɔ aberɛ bɔ ngrandɛ la bɛ komvi ɔ.”

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 6:15

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hesekiel 14:10

B’amumuyɛɛ kɔbɔ bɛ ti so: ngɔmhyɛlɛniɛ ne, ye asohwenɛ ne, ɔte kyɛ sona bɔ wahɔ abisa ɔ ye asohwenɛ deɛ ne ala;

Hesekiel 14:5

Na ɔba ye sɔ a, Yisrael awuro ama amukoraa bɔ ɔnate bɛ mmosoen ti bayakyi me si lilɛ ne, ngɔma b’adwene kɔwa me so.

Hesekiel 16:27

Yiti tie, ndwene me sa wɔ wɔ so, ndele w’aleɛ bɔ mva mane wɔ ne aso, na wɔ pɔfoɛ Filistifoɛ mmaa mmrasua bɔ wɔ bra fiɛ ne yɛle bɛ nya ne, mvale wɔ nwurale bɛ sa.

Hesekiel 20:25

Afei de, nyele bɛ mane ahyɛdeɛ bɔ ɔtte mayee ɔ, ɔne mmeraa bɔ bengonya ngoa wɔ nu ɔ;

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Sakaria 13:3

Na ɔkɔwa kyɛ, sɛ ebie kɔso ɔhyɛ ngɔm a, ɔse ne oni bɔ bɛwole ye ɔ bekose ye kyɛ, ‘Onni kyɛ ɛtena ngoa nu ɔ, ofikyɛ ɛkã ngondombo dwirɛ wɔ AWURADE dumaa nu.’ Na sɛ ɔhyɛ ngɔm a, ɔse ne oni bɔ bɛwole ye ɔ bɛkɔfa nikyee bekosina ye.