Hesekiel 14:8 - AHYERƐLƐ KRONGRON

⁸ Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Hesekiel 14:8 Iomraidhean Croise

Edwein 34:16

AWURADE tu ye nye sie bɔnefoɛ so, kyɛ okonua bɛ boso kofi aseɛ so.

Edwein 34:17

Sɛ teneneefoɛ besu bɛpena mmokalɛ a, AWURADE tie bɛ sufrɛ, na ɔpepɛ de bɛ fi b’amaneɛ amukoraa nu.

Edwein 37:22

Ofikyɛ bɛ bɔ AWURADE ayira bɛ ne, bɛ yeɛ bɛ sa kɔhã aseɛ ne ɔ; nakoso bɛ bɔ wanoma bɛ ne de, bɛ boso konua.

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yeremia 21:10

Ofikyɛ matu me nye masie kuro he aso kyɛ ngɔfa bɔ ɔtte mayee ɔ ngoli ye, na mmom nna paa ɔ, AWURADE noa dwirɛ ɛne. Bɛkɔfa bekowura Babilɔn hene sa, na ɔkɔfa see kɔyera ye.’

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 29:22

Na mmenia amukoraa bɔ bahye bɛ nnure bafi Yuda bahɔ Babilɔn ne, bɛkɔfa bɔ ɔtole sɔ mmenia nemɔ ne yeɛ bɛkɔyɛ amoenwaa dwirɛ kyɛ, “AWURADE ɔ́ma ɛyɛ kyɛ Sedekia ne Ahabo bɔ Babilɔn hene totone bɛ wɔ see nu ne,”

Yeremia 44:11

Yiti Asafo AWURADE, Yisrael Nyameɛ nwa nyoo: Ɛ́mɔtie, ngotu me nye ngosie ɛmɔ so maa musue kɔto ɛmɔ, na ɔnate so ngonua Yuda amukoraa bɛ boso.

Hesekiel 13:23

Ye sɔ ne ati, ɛmɔngonwu ngondombo nyekyire ko, yeɛ ɛmɔngɔhyɛ ngɔm ko. Na ngole me mmenia ngofi ɛmɔ sa nu, amaa ɔnate so ɛmɔanwu kyɛ me ole AWURADE.”

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hesekiel 6:7

Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 22:3

Se bɛ kyɛ, ‘Akyɛdeɛ krongron bɔ Yisraelfoɛ betu besie berɛ bɛma AWURADE ne, wɔ ɛmɔ aworɛ ndoatoasoɛ nu, sɛ ɛmɔ boso ama biala ba ye nwo wɔ mmerɛ bɔ sɔ sona ne nwo nde a, onni kyɛ bɛma ye ate maa ɔba me nyunu ko: Me ole AWURADE.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Numeri 16:38

Amumuyɛɛfoɛ hemɔ bɛ see kulie nemɔ ayɛ krongron, ofikyɛ bafa bɛ ngoa bapɛ so. Yiti maa bɛboro bɛ ma bɛyɛ taataa ná bɛ́fa bɛ́yɛ afɔleɛ bokyea ne ngatasoɛ, ofikyɛ bafa bawa AWURADE nyunu maa bayɛ krongron. Na ngatasoɛ nemɔ kɔyɛ sɛngyerɛnneɛ kɔma Yisraelfoɛ.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

Numeri 26:10

Aseɛ bukyele ye noa nu, na ɔmemene bɛ ne Kora. Sɔ mmenia ne wuwuli ne, see yerale mmenia ɛyaa nyɔ ne aburannu, na bɛ nwo dwirɛ yɛle kɔkɔbɔlɛ.

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

1 Korintofoɛ 10:11

Ɛhe amukoraa tole bɛ maa ɔyɛle kɔkɔbɔlɛ, na bɛhyerɛ bɛtole berɛ bɛfa betuli yɛ foɛ, yɛ bɔ wiase ayieleɛ mmerɛ ne wato yɛ ne.

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.

Deuteronomi 28:46

Na musue ne kɔkakyi nzɛngyerɛnneɛ ne anwanwadeɛ kotia wɔ ne wɔ bosofoɛ afebɔɔ.

Deuteronomi 29:19

Na ebiala bɔ ɔkɔte apam ndaen he anu dwirɛ, ná ɔkɔdwene saleɛ kɔma ye nwo kyɛ, ‘Ɔwɔ nu kyɛ meyɛ asoserɛ de, nakoso ngonya asomdwee’ nen, (sɔ nikyee ne ma sona bɔ ɔtengyɛ ne bɔnefoɛ bewu bɛbɔ nu),