Hesekiel 14:4 - AHYERƐLƐ KRONGRON

⁴ Yiti dwudwo kyire bɛ ná se bɛ kyɛ, AWURADE Nyameɛ nwa nyoo: Ebiala bɔ ofi Yisrael awuro ama nu, bɔ ɔkɔ ngɔmhyɛlɛniɛ berɛ, wɔ aberɛ bɔ ɔma ye ahone bata ye mmosoen mɔ nwo, ná ɔfa amumuyɛɛ bɔ ɔte ye sundidua ɔto ye nyunu ne, me AWURADE, kyɛbɔ ye mmosoen mɔ bɛ somaa te ne, me bɔbɔ ngɔma ye mmuayɛɛ.

Hesekiel 14:4 Iomraidhean Croise

2 Ahemvo 1:16

Na ɔhã hyirele Ahasia kyɛ, “AWURADE nwa nyoo, ‘Ɔnate kyɛ atu mmenia maa bahɔ Ekron bosoen Baal Sebubo berɛ abisa ne ati, yiti bɛen bɔ anwonyerɛ ahã wɔ ato so ye, engofi so ngodwɔso, na mmom ewue yeɛ ekowu ɔ! Nyameɛ biala ɔnne Yisrael bɔ ɛkɔhora kobisa wɔ ti kofi ye berɛ anaa?’ ”

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 66:4

Na me koso, ngɔneanea nu ngɔye asohwenɛ ngɔma bɛ, na bɔ besuro ne yeɛ ngɔmaa ɔkɔto bɛ ɔ; ofikyɛ mvrɛle ne, ebiala andɛ me so, ndwudwole ne, bandie, na mmom bɛyɔle bɔ ɔte bɔne wɔ me nye so ɔ, yeɛ bɔ me nye ngye ye nwo ne yeɛ bɛfale ɔ.”

Hesekiel 14:3

“Sona awa, mmenia hemɔ b’ahone bata bɛ mmosoen nemɔ anwo, na bafa amumuyɛɛ bɔ ɔte bɛ sundidua ne bato bɛ nyunu. Aso mma bebisa me, na ngyire bɛ bɔ odi kyɛ bɛyɔ anaa?

Hesekiel 14:6

“Yiti kã kyire Yisrael awuro ama kyɛ, AWURADE Nyameɛ nwa nyoo: Ɛ́mɔsakyera ɛmɔ adwene ná ɛ́mɔyakyi ɛmɔ mmosoen nemɔ si lilɛ; ná ɛ́mɔhwe ɛmɔ nwo befi ɛmɔ akyiwadeɛ amukoraa anwo.

Hesekiel 14:7

Ofikyɛ ebiala bɔ ofi Yisrael awuro ama nu, anaa ɛwɔfoɛ biala bɔ waatena Yisrael, bɔ ɔba ngɔmhyɛlɛniɛ berɛ babisa me maa mekyire ye bɔ odi kyɛ ɔyɔ ɔ, wɔ aberɛ bɔ wahwe ye nwo wafi me nwo, wama ye ahone abata ye mmosoen mɔ nwo, ná wafa amumuyɛɛ bɔ ɔte ye sundidua wato ye nyunu ne, me AWURADE, me bɔbɔ ngɔma ye mmuayɛɛ.

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hesekiel 3:4

Na osele me kyɛ, “Sona awa, kɔ Yisrael awuro ama berɛ, ná kɔhã me dwirɛ ne kyire bɛ.

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Sefania 1:3

“Ngonua mmenia ne ngaka boso; ngonua ewienu nnomaa ne ɛpo nu naen boso, bɛ ne sundidua mɔ ne bɔnefoɛ mɔ. Ngonua kuro sona boso ngofi aseɛ so,” AWURADE noa dwirɛ ɛne.