Hesekiel 14:3 - AHYERƐLƐ KRONGRON

³ “Sona awa, mmenia hemɔ b’ahone bata bɛ mmosoen nemɔ anwo, na bafa amumuyɛɛ bɔ ɔte bɛ sundidua ne bato bɛ nyunu. Aso mma bebisa me, na ngyire bɛ bɔ odi kyɛ bɛyɔ anaa?

Hesekiel 14:3 Iomraidhean Croise

2 Ahemvo 3:13

Elisa sele Yisrael hene kyɛ, “Ɛpena nzu me dɔ? Kɔ ɛse ngɔmhyɛlɛfoɛ ne eni ngɔmhyɛlɛfoɛ nemɔ dɔ.” Nakoso Yisrael hene buale ye kyɛ, “Daabi, ɔyɛ me kyɛ AWURADE yeɛ waboa yɛ ahemvo nza ye yɛ noa kyɛ ɔbaafa yɛ wura Moabo sa ɔ.”

Edwein 101:3

Mengɔfa nikyee biala bɔ mvasoɛ nne so ɔ mengosie me nye so. Bɛ bɔ bedi wɔ dwirɛ nwo makyebu ne, mekyi bɛ yɔleɛ; mengɔma bɛ yɔleɛ ne ngɔte ngɔmata me.

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yesaya 33:15

Sana teneneeniɛ bɔ ɔkã nahorɛ, bɔ okyi aminɛlilɛ nu mvasoɛ, bɔ ɔnwaha ye sa kyɛ ongole fea-ase-ma, bɔ otuatua ye so kyɛ ongotie sona hunɛ nwo porɛ bɔ babɔ ɔ, bɔ omuamua ye nye kyɛ ɔngɔma ongonwu bɔne ɔ;

Yeremia 11:11

Yiti bɔ AWURADE kã ɛhe: Nahorɛ nu, mebaaprapra musue bɔ bɛngɔhora bɛngɔnwati bengofi nu ɔ megua bɛ so; ɔwɔ nu kyɛ bekosu bɛkɔfrɛ me, nakoso mengɔtɛ bɛ so.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Yeremia 21:2

“Mesrɛ wɔ, bisa AWURADE noa dwirɛ ma yɛ, ofikyɛ Babilɔn hene Nebukadenesa ɔbaafa koɛ toa yɛ. Ebiaa AWURADE konwu yɛ anwumvoin kyɛbɔ ye anwanwadeɛ amukoraa te ne, amaa ɔnate so Nebukadenesa wayakyi yɛ wahɔ.”

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 14:2

Na ɔwale kyɛ, AWURADE lale ye dwirɛ ali hyirele me kyɛ,

Hesekiel 14:4

Yiti dwudwo kyire bɛ ná se bɛ kyɛ, AWURADE Nyameɛ nwa nyoo: Ebiala bɔ ofi Yisrael awuro ama nu, bɔ ɔkɔ ngɔmhyɛlɛniɛ berɛ, wɔ aberɛ bɔ ɔma ye ahone bata ye mmosoen mɔ nwo, ná ɔfa amumuyɛɛ bɔ ɔte ye sundidua ɔto ye nyunu ne, me AWURADE, kyɛbɔ ye mmosoen mɔ bɛ somaa te ne, me bɔbɔ ngɔma ye mmuayɛɛ.

Hesekiel 14:7

Ofikyɛ ebiala bɔ ofi Yisrael awuro ama nu, anaa ɛwɔfoɛ biala bɔ waatena Yisrael, bɔ ɔba ngɔmhyɛlɛniɛ berɛ babisa me maa mekyire ye bɔ odi kyɛ ɔyɔ ɔ, wɔ aberɛ bɔ wahwe ye nwo wafi me nwo, wama ye ahone abata ye mmosoen mɔ nwo, ná wafa amumuyɛɛ bɔ ɔte ye sundidua wato ye nyunu ne, me AWURADE, me bɔbɔ ngɔma ye mmuayɛɛ.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:3

“Sona Awa, se Yisrael mbanyi nemɔ kyɛ, ‘AWURADE Nyameɛ nwa nyoo: Me berɛ abisa ti yeɛ ɛmɔwale hɔ anaa? Kyɛ nde ase ye de, mengɔma ɛmɔngɔfa ɛmɔ abisa ngɔto me nyunu, AWURADE Nyameɛ noa dwirɛ ɛne.

Hesekiel 20:31

Sɛ ɛmɔfa ɛmɔ ayɛyɛdeɛ ne bɛba, ná ɛmɔfa ɛmɔ mma mɔ bɛbɔ afɔleɛ wɔ see nu a, ɛhe kyire kyɛ ɛmɔkɔ so bɛfa ɛmɔ mmosoen begua ɛmɔ nwo fiɛ maa waadwu ɛnɛ. O Yisrael awuro ama, aso odi kyɛ mema ɛmɔba me berɛ abisa anaa? Kyɛ nde ase ye de, mengɔma ɛmɔngɔwa me berɛ abisa, AWURADE Nyameɛ noa dwirɛ ɛne.

Hesekiel 3:20

Yeɛ sɛ teneneeniɛ odi ye tenenee nwo makyebu ɔkɔyɔ amumuyɛɛ, ná mefa sundidua meto ye atee nu a, okowu. Na ɔnate kyɛ ammɔ ye kɔkɔ ne ati, okowu ye bɔne nu, na bɛngɔkaye ye tenenee bra bɔ ɔbɔle ne; nakoso ye mogya de, wɔ berɛ yeɛ ngobisa ngofi ɔ.

Hesekiel 33:30

“Na wɔ Sona awa, wɔ maen mmaa nemɔ bɛkekã edwirɛ bɛfa wɔ nwo, bɛkekã ye wɔ fasue nemɔ anwo ne awuro nemɔ anoa nu. Bɛkekã bekyirekyire bɛ nwo ne b’eliɛma mɔ kyɛ, ‘Ɛmɔbra beetie edwirɛ bɔ ofi AWURADE noa ne oo!’

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hesekiel 7:19

Bekogyi b’ɛdwetɛ bekogua mmorɔnoɛ so, bekobu bɛ sikaa kɔkorɛ kyɛ ye nwo agua fiɛ. Na b’ɛdwetɛ ne bɛ sikaa kɔkorɛ ne, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Bɛngɔhora ngɔma bɛ kra ko ngoyi, anaa ɔngɔma bɛ ko ngoyi; ofikyɛ ɔte amumuyɛɛ bɔ ɔto bɛ sundidua ɔ.

Hosea 4:5

Yiti ekosoti eyia, na ngɔmhyɛlɛniɛ ne koso ɔne wɔ bekosoti kɔngɔen, na ngonua wɔ maame boso.

Sefania 1:3

“Ngonua mmenia ne ngaka boso; ngonua ewienu nnomaa ne ɛpo nu naen boso, bɛ ne sundidua mɔ ne bɔnefoɛ mɔ. Ngonua kuro sona boso ngofi aseɛ so,” AWURADE noa dwirɛ ɛne.

Sakaria 7:13

Na kyɛbɔ ɔfrɛle ná bandie ne, sɔ ala yeɛ bɛfrɛle bɔ me koso mandie ɔ, Asafo AWURADE noa dwirɛ ɛne.

Luka 20:8

Na Yesu sele bɛ kyɛ, “Nzaade me koso mengɔhã tumi horɛ bɔ ngyi so meyɔ sɔ nningyein hemɔ ɔ mengohyire ɛmɔ.”

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.