Hesekiel 13:8 - AHYERƐLƐ KRONGRON

⁸ Ye sɔ ne ati, AWURADE Nyameɛ nwa nyoo, “Ɔnate ɛmɔ dwirɛ mbaen mbaen kekanɛ ɔne ɛmɔ ngondombo nyekyire ne ati, ɛ́mɔtie, meko metia ɛmɔ, AWURADE Nyameɛ noa dwirɛ ɛne.

Hesekiel 13:8 Iomraidhean Croise

1 Ahemvo 13:18

Yeɛ ngɔmhyɛlɛniɛ aworowaa ne sele ye kyɛ, “Me koso nde ngɔmhyɛlɛniɛ kyɛ wɔ ala. Na abɔfo nate AWURADE dwirɛ so wahã wahyire me kyɛ, ‘Kɔhã kyire ye maa osa ye si ɔbra w’awuro wa oodidi na ɔno nzue.’ ” Nakoso né ngɔmhyɛlɛniɛ aworowaa ne ɔlakalaka ye.

Yeremia 21:13

Tie, wɔ bɔ ɛte bɔnza ne anu, wɔ bɔ ɛte aseɛ frɛtɛɛ so nyɔbotaen ɔ, meko metia wɔ, ɛmɔ bɔ ɛmɔkekã kyɛ, ‘Nwa yeɛ okodwu kɔwa yɛ so ɔ, anaakyɛ nwa yeɛ okowura y’atenaleɛ mɔ nu ɔ?’ AWURADE noa dwirɛ ɛne.

Yeremia 23:30

Yiti tie, ngɔmhyɛlɛfoɛ bɔ bewua me dwirɛ befi bɛ mmango berɛ ne, me nye sa bɛ, AWURADE noa dwirɛ ɛne.

Yeremia 29:31

“Mmenia amukoraa bɔ bahye bɛ nnure bahɔ ne, soma maa beese bɛ kyɛ, ‘Bɔ AWURADE kã fa Nehelamniɛ Semaya nwo ole kyɛ: Ɔnate kyɛ Semaya wahyɛ ngɔm wahyire ɛmɔ wɔ aberɛ bɔ nnzomane ye, ná wamaa ɛmɔale ngondombo bali ne ati,

Yeremia 51:25

“Tie, wɔ, bokaa sɛkyefoɛ bɔ ɛsɛkye aseɛ ye amukoraa ɔ, meko metia wɔ, na ngɔtengyɛ me sa ngɔhwe wɔ so; ngomunu wɔ ngofi nyɔbotaen nemɔ aso ngɔto ase, na ngɔmaa ɛkɔyɛ bokaa bɔ wayera ɔ, AWURADE noa dwirɛ ɛne.

Hesekiel 21:3

ná se Yisrael aseɛ ne kyɛ, AWURADE nwa nyoo: Tie, meko metia wɔ, ngɔhwe me sɛpɔ ne ngofi ye bɔha nu, na teneneefoɛ oo, bɔnefoɛ oo, ngonua bɛ boso ngofi wɔ nu.

Hesekiel 26:3

bɔ AWURADE Nyameɛ kã hɔ ɛhe: Tie, wɔ Tiro, meko metia wɔ, na ngɔma maen maen pee bɛkɔfa koɛ bɛkɔɔtoa wɔ, kyɛbɔ ɛpo ɔbɔ ye asorɔkye ba ne.

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 29:10

Yiti tie, meko metia wɔ, ɛne w’asue nemɔ amukoraa, na Misraim aseɛ ne, ngɔbɔ ye tɔɔ, ngɔkakyi ye kurofoen, ofi Migidol bɔ ɔkɔ Siene alaa bɔ ɔkwaadwu Yitiopia ɛwɛen so ɔ.

Hesekiel 34:10

AWURADE Nyameɛ nwa nyoo: Tie, meko metia mmoaenneafoɛ nemɔ; ngobisa me mmoaen nemɔ ngofi bɛ berɛ; ngɔmaa bɛkɔyakyi mmoaen nemɔ so nealɛ, maa ɔnate so mmoaenneafoɛ nemɔ bɛngɔnea bɛ bɔbɔ bɛ nwo so ko. Na ngofoti me mmoaen nemɔ ngofi bɛ noa nu, amaa ɔnate so bangakyi bɛ noa aleɛ ko.

Hesekiel 35:3

Se ye kyɛ, AWURADE Nyameɛ nwa nyoo: Tie, Sɛre bokaa, meko metia wɔ, ngɔtengyɛ me sa ngɔhwe wɔ so, ngɔbɔ wɔ tɔɔ, na ngɔmaa ɛkɔla berɛ mbaen.

Hesekiel 39:1

Na wɔ, Sona awa, hyɛ ngɔm tia Gɔgo ná kã kyɛ, AWURADE Nyameɛ nwa nyoo: Tie, wɔ Gɔgo bɔ edi Meseke ne Tubal so hene ɔ, meko metia wɔ!

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Petro 3:12

Ofikyɛ Awurade nye wɔ teneneefoɛ so, na ɔyɛ asoɛ ma bɛ mbaeɛ; nakoso bɛ bɔ bɛyɔ bɔne de, Awurade nye sa bɛ.