Hesekiel 13:6 - AHYERƐLƐ KRONGRON

⁶ Bɛ noa dwirɛ te nnakannaka, yeɛ bɛhyɛ ngondombo ngɔm. Bɛnwa: ‘AWURADE nwa nyoo,’ wɔ aberɛ bɔ nna AWURADE yeɛ wasoma bɛ ɔ; nakoso bɛ nye la so kyɛ AWURADE kɔma bɛ dwirɛ ne kɔwa nu ɔ.

Hesekiel 13:6 Iomraidhean Croise

1 Ahemvo 22:12

Ngɔmhyɛlɛfoɛ ne amukoraa bɛ noa dwirɛ yɛle ko. Na né bɛkã kyɛ, “Kɔ Ramote Gileade na koli ngonim. Nana, AWURADE kɔfa kuro ne kowura wɔ sa.”

1 Ahemvo 22:15

Oodwuli Nana Ahabo berɛ ne, Nana Ahabo bisale ye kyɛ, “Mikaya, yɛhɔ yɛɛho yɛle Ramote Gileade anaakyɛ yɛyakyi?” Mikaya buale kyɛ, “Kɔ na koli ngonim. Nana, AWURADE kɔfa kuro ne kowura wɔ sa.”

1 Ahemvo 22:27

Na kã kyire bɛ kyɛ, ‘Nana nwa nyoo: Ɛ́mɔfa akoaa he bɛto kuku nu, na ɛmɔte ye aleɛ ne ye nzue so, kɔpem kyɛ ngofi koɛ ye noa ngosa ngɔwa asomdwee nu ɔ.’ ”

1 Ahemvo 22:37

Yiti Nana Ahabo wuli, bɛfale ye bɛhɔle Samaria na besiele ye wɔ berɛ.

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

Anyandera 14:15

Sona bɔ ye adwene te kãa ne, ode edwirɛ biala di, nakoso badwemma de, ɔdwene ye agyirɛtulɛ nwo yé.

Yeremia 14:14

Na AWURADE sele me kyɛ, “Ngɔmhyɛlɛfoɛ nemɔ bɛfa me dumaa bɛhyɛ ngɔndorɔ. Nnzomane bɛ, mmmane bɛ ahyɛdeɛ biala, yeɛ nngane edwirɛ biala nngyirele bɛ. Ngondombo nyekyire, ngonyaayelɛ, edwirɛ mbaen mbaen ne bɛ bɔbɔ bɛ ti anu dwirɛ yeɛ bɛhyɛ ye nwo ngɔm bekyire ɛmɔ ɔ.

Yeremia 23:16

Bɔ Asafo AWURADE kã ɛhe: Ngɔmhyɛlɛfoɛ bɔ bɛhyɛ ngɔm bekyire ɛmɔ ne, nnɛma ɛmɔtie bɛ, na bɛlakalaka ɛmɔ. Bɛbɔ bɛ bɔbɔ bɛ ti anu bɛkã nyekyire bɔ nna AWURADE noa dwirɛ ahɔ ɔ.

Yeremia 28:1

Sɔ afoɛ ne anu ala, wɔ Yuda hene Sedekia ahennie n’ahyɛaseɛ ne anu, bosome bɔ ɔtɔ so nnu wɔ afoɛ bɔ ɔtɔ so nna ne anu, Hanania bɔ ye baba ole ngɔmhyɛlɛniɛ Asure bɔ ofi Gibeon ne, osele me wɔ AWURADE awuro berɛ wɔ asɔfo nemɔ ne maen ne amukoraa bɛ nyunu kyɛ,

Yeremia 28:15

Na ngɔmhyɛlɛniɛ Yeremia sele ngɔmhyɛlɛniɛ Hanania kyɛ, “Hanania, tie, nna AWURADE yeɛ wasoma wɔ ɔ, nakoso ama maen he bale ngondombo bali.

Yeremia 28:2

“Asafo AWURADE Yisrael Nyameɛ nwa: Kɔnnua bɔ Babilɔn hene wafa wato ɛmɔ kɔme anu ne, mabubu nu.

Yeremia 29:31

“Mmenia amukoraa bɔ bahye bɛ nnure bahɔ ne, soma maa beese bɛ kyɛ, ‘Bɔ AWURADE kã fa Nehelamniɛ Semaya nwo ole kyɛ: Ɔnate kyɛ Semaya wahyɛ ngɔm wahyire ɛmɔ wɔ aberɛ bɔ nnzomane ye, ná wamaa ɛmɔale ngondombo bali ne ati,

Yeremia 29:8

Ofikyɛ Asafo AWURADE, Yisrael Nyameɛ nwa nyoo: Nnɛmɔma ɛmɔ nu ngɔmhyɛlɛfoɛ ne ngonyaayelɛfoɛ nemɔ bɛlakalaka ɛmɔ, yeɛ nnɛma ɛmɔtie bɛ laleɛ bɔ bɛkyekye nemɔ.

Yeremia 37:19

Ɛmɔ ngɔmhyɛlɛfoɛ bɔ bɛhyɛle ɛmɔ ngɔm kyɛ, ‘Babilɔn hene ɔngɔfa koɛ ngɔtoa ɛmɔ ne maen he’ ne, bɛwɔ nisua?

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 13:7

Na sɛ ɛmɔkã kyɛ, ‘AWURADE nwa nyoo,’ wɔ aberɛ bɔ nngane huu a, aso nna nyekyire mbaen mbaen yeɛ ɛmɔanwu ye ɔ, ɔne ngondombo ngɔm yeɛ ɛmɔahyɛ ɔ?”

Hesekiel 21:23

Na bɛ bɔ bata ndaen ne de, bekobu sɔ dwirɛ ne kyɛ ngɔndorɔ bie ɔ. Nakoso ye de, ɔkɔkaye b’amumuyɛɛ ne, na ɔkɔhye bɛ nnure.

Hesekiel 21:29

wɔ aberɛ bɔ ngondombo nyekyire yeɛ benwu ye bɛma wɔ ɔ, bɛhyɛ wɔ ngɔm bɔ ɔtte nahorɛ ɔ, kyɛbɔ bɛkɔfa sɔ ngrandɛ ne bɛkɔpepɛ bɔnefoɛ bɛ ti ɔ, amumuyɛɛfoɛ bɔ bɛ kyẽa apingye, bɔ b’asohwenɛ mmerɛ adwu ne.

Hesekiel 22:28

Na ye ngɔmhyɛlɛfoɛ benwu ngondombo nyekyire bekyire bɛ, yeɛ bɛhyɛ ngɔndorɔ bekyire bɛ. Bɛkã kyɛ, ‘AWURADE Nyameɛ nwa nyoo,’ wɔ aberɛ bɔ nna AWURADE yeɛ wahã ɔ.

Sakaria 10:2

Ofikyɛ abusua amoen nemɔ kekã ngwaseasɛm, ahɔmeɛ nemɔ benwu nnakannaka dwirɛ, na bɛ laleɛ nu dwirɛ bɔ bɛkekã ne, ɔte ngondombo; bɛkyekye ɛmɔ wora mbaen. Yiti maen ne kyinikyini kyɛ mmoaen, bɛyɛ anwumvo, ofikyɛ neafoɛ biala nne berɛ.

Marko 13:6

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ na bɛkɔlakalaka mmenia pee.

2 Tɛsalonika 2:11

Ɛhe ati Nyameɛ kɔsoma nnakannaka tumi maa okoli dwumaa wɔ bɛ nu, na bale ngondombo bali.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.