Hesekiel 13:3 - AHYERƐLƐ KRONGRON

³ AWURADE Nyameɛ nwa nyoo: Musue to ngɔmhyɛlɛfoɛ ngwaseafoɛ bɔ bɛ bɔbɔ bɛ sunzum diedie bɛ, wɔ aberɛ bɔ bennwuni huu ɔ!

Hesekiel 13:3 Iomraidhean Croise

Anyandera 15:14

Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Yeremia 23:1

“Mmoaenneafoɛ bɔ bekũkũ me mmoaen kure ná bɛbɔ bɛ bɛsande ɔ, bɛ yaakɔ!” AWURADE noa dwirɛ ɛne.

Yeremia 23:16

Bɔ Asafo AWURADE kã ɛhe: Ngɔmhyɛlɛfoɛ bɔ bɛhyɛ ngɔm bekyire ɛmɔ ne, nnɛma ɛmɔtie bɛ, na bɛlakalaka ɛmɔ. Bɛbɔ bɛ bɔbɔ bɛ ti anu bɛkã nyekyire bɔ nna AWURADE noa dwirɛ ahɔ ɔ.

Yeremia 23:9

Ɔnate me ngɔmhyɛlɛfoɛ nemɔ ati, m’adwene ayɛ me basaa wɔ me nu, me mmowue nu amukoraa wosowoso me. Mayɛ kyɛ akɔnomnzaniɛ, kyɛ ebie bɔ nzaa abia ye ɔ, ɔnate AWURADE ɔne ye dwirɛ krongron ne ati.

Yeremia 28:15

Na ngɔmhyɛlɛniɛ Yeremia sele ngɔmhyɛlɛniɛ Hanania kyɛ, “Hanania, tie, nna AWURADE yeɛ wasoma wɔ ɔ, nakoso ama maen he bale ngondombo bali.

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 13:18

AWURADE Nyameɛ nwa nyoo: Musue kɔto ɛmɔ! Mmrasua bɔ bɛnwo ngonyaa nzɛbɛ begua mmenia sa kɔm amukoraa, ɔne eduku bɔ bɛpomba bɛma mmenia ti ahoroɔ amukoraa, bɔ ɔnate so bediedie mmenia kra bɛkɔ bɔne nu ɔ! Ɛmɔsua ngaen bɛkye me maen mmaa bɛ kra, bɔ ɛmɔ bɔbɔ bɛ deɛ de, ɛmɔpena kyɛ onya ngoa ɔ?

Hesekiel 13:4

O Yisrael, wɔ ngɔmhyɛlɛfoɛ nemɔ bayɛ kyɛ kurofoen so safuboa mɔ.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Sakaria 11:15

Afei AWURADE sele me kyɛ, “Sa fa mmoaenneafoɛ kwaseaa ye nningyein bɔ ɔfa nea mmoaen so ɔ tira.

Luka 11:40

Ngwaseafoɛ! Bɔ ɔyɔle bɛ nwo ne, aso nna ye ala yeɛ ɔyɔle nu ne koso ɔ?

Luka 11:52

“Ɛmɔ, mmeraa nwo nimdeɛfoɛ, ɛmɔ yaakɔ! Ofikyɛ, ɛmɔafa nimdeɛ safoaa ne; ɛmɔ bɔbɔ a, ɛmɔangɔ nu, nakoso bɛ bɔ bɛ́kɔ nu ne koso, ɛmɔsi bɛ ate.”

1 Korintofoɛ 9:16

Na sɛ mekã nzɛmba ne a, né ongyire kyɛ mva nhoahoa me nwo, ɔnate kyɛ ɔte adwuma bɔ odi kyɛ meyɔ ɔ. Na sɛ mangã nzɛmba ne a, me yaakɔ!

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

2 Timoteo 3:9

Nakoso bɔ bɛyɔ ne ongoosi pasiliwa biala, ofikyɛ bɛ ngwaseasɛm ne kɔla ali wɔ mmenia amukoraa nyunu, kyɛbɔ mmenia nyɔ ne deɛ yɛle ne.