Biblia Todo Logo
Bìoball air-loidhne

- Sanasan -




Hesekiel 13:18 - AHYERƐLƐ KRONGRON

18 AWURADE Nyameɛ nwa nyoo: Musue kɔto ɛmɔ! Mmrasua bɔ bɛnwo ngonyaa nzɛbɛ begua mmenia sa kɔm amukoraa, ɔne eduku bɔ bɛpomba bɛma mmenia ti ahoroɔ amukoraa, bɔ ɔnate so bediedie mmenia kra bɛkɔ bɔne nu ɔ! Ɛmɔsua ngaen bɛkye me maen mmaa bɛ kra, bɔ ɛmɔ bɔbɔ bɛ deɛ de, ɛmɔpena kyɛ onya ngoa ɔ?

Faic an caibideil Dèan lethbhreac




Hesekiel 13:18
11 Iomraidhean Croise  

Ofikyɛ paanoo sii ko yeɛ bɛfa benya brasua adwamanbɔlɛniɛ ɔ, nakoso ebie aye de, ɛfa wɔ ngoa yeɛ ɛpɛ so ɔ.


Yeɛ ngane kyɛ, “Aa, AWURADE Nyameɛ, ye de, amba alakalaka maen ye ne Yerusalem, ofikyɛ ɛhane kyɛ, ‘Okoyie ɛmɔ yé’, wɔ aberɛ bɔ ngrandɛ la bɛ komvi ɔ.”


Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.


Na ɔnate kyɛ bɛlakalaka me maen bɛkã kyɛ, ‘Asomdwee,’ wɔ aberɛ bɔ asomdwee nne berɛ ɔ; yeɛ sɛ maen ne to fasue a, sɔ ngɔmhyɛlɛfoɛ nemɔ bɛfa ewure bɛkã ye nwo ne ati,


mekyire Yisrael ngɔmhyɛlɛfoɛ bɔ bɛhyɛ Yerusalem nwo ngɔm, kyɛ banya ye nwo asomdwee nyekyire, wɔ aberɛ bɔ asomdwee biala nne berɛ ɔ, AWURADE Nyameɛ noa dwirɛ ɛne.


Ye sɔ ne ati, AWURADE Nyameɛ nwa nyoo: Ɛ́mɔtie, ɛmɔ ngonyaa nzɛbɛ bɔ ɛmɔfa bediedie mmenia kra bɛkye bɛ kyɛ nnomaa ne, mekyi, na ngɔtete ngofi ɛmɔ sa. Na mmenia kra bɔ ɛmɔdiedie bɛ bɛkye ne, ngɔsangye bɛ maa bekotu bɛkɔhɔ kyɛ nnomaa.


Ngɔtete ɛmɔ duku ne anu, ná mapepɛ male me mmenia mafi ɛmɔ sa nu, na bɛngɔyɛ kyɛ naen bɔ ɛmɔahye bɛ ɔ wɔ ɛmɔ sa nu, amaa ɔnate so ɛmɔanwu kyɛ me ole AWURADE.


Aseɛ bɔ so ngɔmhyɛlɛfoɛ bɛbɔ porɛ, bɛte kyɛ gyata bɔ wahye naen ná opo ɔtete ye nu ɔ. Beku mmenia, bede anwonya ne mbembenanneɛ, na bama so akunafoɛ mmrasua basone pee.


amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.


Ofikyɛ mmerɛ bie kɔwa bɔ mmenia ngotie ngyerɛkyerɛ bɔ ɔte paa ne, na mmom bɛ so anu bɔ ɔyɛ bɛ fɛ ne ati, bɛkɔboaboa akyerɛkyerɛfoɛ noa maa bɛkɔhã edwirɛ bɔ bɛpena kyɛ bɛte ɔ.


Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!


Lean sinn:

Sanasan


Sanasan