Hesekiel 13:15 - AHYERƐLƐ KRONGRON

¹⁵ Fasue ne, yeɛ mmenia bɔ bahã ye nwo ewure ne, sɔ yeɛ me yaafɛlɛ ne kɔyɔ bɛ nwo adwuma koyie ɔ. Na ngose ɛmɔ kyɛ, Fasue ne nne berɛ ko, yeɛ bɛ bɔ bɛhane ye nwo ewure ne koso bɛnne berɛ ko,

Hesekiel 13:15 Iomraidhean Croise

Nehemia 4:3

Né Amonniɛ Tobia gyi Sanbalate nwo berɛ, na osele kyɛ, “Nyɔboɛ fasue bɔ besi ye, sɛ safuboa po fo so a, okodwiri kogua ase!”

YOB NWOMAA NE 13:4

Na ɛmɔ de, ɛmɔ noa nu yeɛ ɛmɔbobɔ ɔ, ɛmɔ amukoraa bɛte safoɛ bɔ mvasoɛ nne ɛmɔ so ɔ.

Edwein 62:3

Ɔkwaadwu kyinzu yeɛ ɛmɔkotu ɛmɔ nye bekosie sona horɛ so ɔ, bɔ ɛmɔ amukoraa ɛmɔpena ye beku ye ɔ, kyɛbɔ ɛmɔdwiri fasue bɔ wahyea ɔ begua ase ɔ.

Ɛksadɔso 2:3

Afei de, né ɔfa ye fea a ɔnyɛ yee ko, yiti ɔfale elemmire kɛndɛen, ɔfale pɔweɛ nzue ne ehwaa fale ye nwo, ɔfale adɔma ne tole nu, na ɔɔfale ye siele ngyɛngyɛma nu wɔ asue Naele noa.

Yesaya 30:13

musue he kɔwa ɛmɔ so, kyɛ, terɛ tendenn bɔ wapakye, bɔ wabukye hanwuu bɔ ɔpena bu ɔ, bɔ ye bugualɛ ne, ɔba mvum nu, ɔne berɛ ne ala ɔ.

Yeremia 14:15

Yiti bɔ AWURADE kã fa sɔ ngɔmhyɛlɛfoɛ nemɔ nwo ɛhe: Bɛ yeɛ bɛfa me dumaa bɛhyɛ ngɔm, bɔ nna me yeɛ nzomane bɛ ɔ. Nakoso bɛnwa, ‘Koɛ ne ɛhɔen ngɔwa aseɛ he aso.’ Sɔ ngɔmhyɛlɛfoɛ nemɔ, ngrandɛ ne ɛhɔen yeɛ okohũhũ bɛ ɔ.

Hesekiel 13:14

Fasue bɔ ɛmɔafa ewure bahã ye nwo ne, ngodwiri ye ngogua ase maa ye fapem ne nwo kɔla berɛ. Okobubu kogua maa ɛmɔkowuwu wɔ nu, na ɛmɔkonwu kyɛ me ole AWURADE.

Hesekiel 13:16

mekyire Yisrael ngɔmhyɛlɛfoɛ bɔ bɛhyɛ Yerusalem nwo ngɔm, kyɛ banya ye nwo asomdwee nyekyire, wɔ aberɛ bɔ asomdwee biala nne berɛ ɔ, AWURADE Nyameɛ noa dwirɛ ɛne.