Hesekiel 13:14 - AHYERƐLƐ KRONGRON

¹⁴ Fasue bɔ ɛmɔafa ewure bahã ye nwo ne, ngodwiri ye ngogua ase maa ye fapem ne nwo kɔla berɛ. Okobubu kogua maa ɛmɔkowuwu wɔ nu, na ɛmɔkonwu kyɛ me ole AWURADE.

Hesekiel 13:14 Iomraidhean Croise

Edwein 11:3

Na sɛ bedwiri fapem ne begua a, nzikyɛ yeɛ teneneefoɛ bɛkɔhora ye yɔ ɔ”?

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Yesaya 28:17

Ngɔma pɛpɛɛpɛyɛlɛ kɔyɛ asusudeɛ nyamaa, yeɛ ngɔma tenenee kɔyɛ tonyi; asukɔtwea koopia kanda afealeɛ ne kɔhɔ, na nzue koyi kɔfa afealeɛ ne.”

Yesaya 30:13

musue he kɔwa ɛmɔ so, kyɛ, terɛ tendenn bɔ wapakye, bɔ wabukye hanwuu bɔ ɔpena bu ɔ, bɔ ye bugualɛ ne, ɔba mvum nu, ɔne berɛ ne ala ɔ.

Yeremia 14:15

Yiti bɔ AWURADE kã fa sɔ ngɔmhyɛlɛfoɛ nemɔ nwo ɛhe: Bɛ yeɛ bɛfa me dumaa bɛhyɛ ngɔm, bɔ nna me yeɛ nzomane bɛ ɔ. Nakoso bɛnwa, ‘Koɛ ne ɛhɔen ngɔwa aseɛ he aso.’ Sɔ ngɔmhyɛlɛfoɛ nemɔ, ngrandɛ ne ɛhɔen yeɛ okohũhũ bɛ ɔ.

Yeremia 23:15

Yiti bɔ Asafo AWURADE kã fa ngɔmhyɛlɛfoɛ nemɔ nwo ɛhe, “Tie, abɔwee yeɛ ngɔfa ngɔma bɛ maa bekoli ɔ; na ngɔma bɛ nzue bɔ ɛborɔ wɔ nu ɔ maa bɛkɔno, ofikyɛ Yerusalem ngɔmhyɛlɛfoɛ nemɔ, bɛ bra fiɛ ne, wato wapete aseɛ ne aso amukoraa.”

Yeremia 6:15

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Hesekiel 13:15

Fasue ne, yeɛ mmenia bɔ bahã ye nwo ewure ne, sɔ yeɛ me yaafɛlɛ ne kɔyɔ bɛ nwo adwuma koyie ɔ. Na ngose ɛmɔ kyɛ, Fasue ne nne berɛ ko, yeɛ bɛ bɔ bɛhane ye nwo ewure ne koso bɛnne berɛ ko,

Hesekiel 13:21

Ngɔtete ɛmɔ duku ne anu, ná mapepɛ male me mmenia mafi ɛmɔ sa nu, na bɛngɔyɛ kyɛ naen bɔ ɛmɔahye bɛ ɔ wɔ ɛmɔ sa nu, amaa ɔnate so ɛmɔanwu kyɛ me ole AWURADE.

Hesekiel 13:23

Ye sɔ ne ati, ɛmɔngonwu ngondombo nyekyire ko, yeɛ ɛmɔngɔhyɛ ngɔm ko. Na ngole me mmenia ngofi ɛmɔ sa nu, amaa ɔnate so ɛmɔanwu kyɛ me ole AWURADE.”

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hesekiel 14:8

Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Mika 1:6

Yiti ngɔma Samaria kɔkakyi kurofoen wɔ eburo, ɔne aseɛ bɔ bɛyɛ so bobe boo ɔ. Ngodwiri ye nyɔboɛ mɔ ngogua bɔnza ne anu, ná mama ye fapem mɔ nwo alela berɛ.

Habakuku 3:13

Efite hɔle kyɛ ɛfa ngoalelɛ brɛ wɔ maen, kyɛ ɛfa brɛ wɔ sona bɔ apopa ye ngoo ne. Nzɛmmɔneniɛ n’awuro ne aso panyi ne, ɛpɛkyɛle ye, na ɛmane ye nwo lale so fi ye gya bo kodwu ye ti so.

Luka 6:49

Nakoso ebiala bɔ otie, ná onni so nen, ɔte kyɛ ebie bɔ osili sua siele aseɛnwo bɔ wamva wanzie fapem so ɔ. Nzue yili obu fale ye bo, na berɛ ne ala obuli, na obuli gyirigorɔɔ!”