Hesekiel 13:10 - AHYERƐLƐ KRONGRON

¹⁰ Na ɔnate kyɛ bɛlakalaka me maen bɛkã kyɛ, ‘Asomdwee,’ wɔ aberɛ bɔ asomdwee nne berɛ ɔ; yeɛ sɛ maen ne to fasue a, sɔ ngɔmhyɛlɛfoɛ nemɔ bɛfa ewure bɛkã ye nwo ne ati,

Hesekiel 13:10 Iomraidhean Croise

2 Ahemvo 21:9

Nakoso bandie ye dwirɛ. Manase lakalakale bɛ maa bɛyɔle bɔne bɛtrale maen maen mɔ bɔ AWURADE huhuni bɛ fili Yisraelfoɛ nyunu nemɔ.

2 Aberɛso Dwirɛ 18:12

Ɛbɔfoɛ bɔ betuli ye kyɛ ɔɔfa Mikaya bra ne, osele Mikaya kyɛ, “Tie, ngɔmhyɛlɛfoɛ nemɔ bɛ noa dwirɛ te ko. Bahã ngonimlilɛ nwo dwirɛ bahyire Nana Ahabo. Wɔ koso fa to bɛ deɛ ne aso, na kã ngonimlilɛ nwo dwirɛ kyire ye.”

Anyandera 12:26

Teneneeniɛ kyire ye mmango atee paa, nakoso bɔnefoɛ atee de, ɔmaa bemini.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Yesaya 57:21

Bɔnefoɛ ye so anu ngodwo ye, me Nyameɛ noa dwirɛ ɛne.”

Yeremia 14:13

Yeɛ ngane kyɛ, “Aa, AWURADE Nyameɛ! Nea kyɛ ngɔmhyɛlɛfoɛ nemɔ bɛkekã bekyire bɛ kyɛ, ‘Ngrandɛ ngohũhũ ɛmɔ, yeɛ ɛhɔen ngɔpe ɛmɔ wa, na mmom ngɔmaa ɛmɔkonya asomdwee bɔ odi mu ɔ wɔ ɛwa.’”

Yeremia 23:17

Bɛkɔ so bɛkã bekyire bɛ bɔ bebu me animtia ne kyɛ AWURADE nwa nyoo, ‘Ɛmɔkonya asomdwee’; na bɛkã bekyire ebiala bɔ odi ye ti piri ɔyɛ asoserɛ ne kyɛ, ‘Musue biala ngɔto ɛmɔ.’ ”

Yeremia 23:32

Tie, me nye sa bɛ bɔ begyina ngondombo laleɛ so bɛhyɛ ngɔm bɛkekã bekyire mmenia ɔ, AWURADE noa dwirɛ ɛne; na bɛfa bɛ ngondombo ne bɛ suban tɛɛ so bɛma me maen di makyebu, wɔ aberɛ bɔ nnzomane bɛ, anaa mmvale ahyɛdeɛ mmmane bɛ ɔ. Yiti bɛ nwo ngɔwa mvasoɛ biala ngɔma maen he, AWURADE noa dwirɛ ɛne.

Yeremia 28:9

Na ngɔmhyɛlɛniɛ bɔ ɔhyɛ ngɔm kyɛ asomdwee kɔwa ne, sɛ sɔ ngɔmhyɛlɛniɛ ne ye dwirɛ ne ba nu a, ye de bekonwu ye kyɛ AWURADE yeɛ wasoma sɔ ngɔmhyɛlɛniɛ ne amba.”

Yeremia 4:10

Yeɛ ngane kyɛ, “Aa, AWURADE Nyameɛ, ye de, amba alakalaka maen ye ne Yerusalem, ofikyɛ ɛhane kyɛ, ‘Okoyie ɛmɔ yé’, wɔ aberɛ bɔ ngrandɛ la bɛ komvi ɔ.”

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Yeremia 50:6

“Me maen akakyi mmoaen bɔ bamini ɔ; bɛ neafoɛ nemɔ amaa bali makyebu. Bɛmaa behyinini wɔ mmokaa nemɔ aso; bafi mmokaa so bahɔ pambaa mɔ so, bɛ wora afi bɛ dabea.

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 8:11

Bande bɛ nye bammia me maen ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 8:15

Yɛ nye lale asomdwee ate, nakoso nikye paa biala wamvi nu wamma, yɛ nye lale anwonyerɛsalɛ mmerɛ ate, nakoso ahunundetelɛ mmom yeɛ watɔ yɛ so ɔ.

Hesekiel 13:16

mekyire Yisrael ngɔmhyɛlɛfoɛ bɔ bɛhyɛ Yerusalem nwo ngɔm, kyɛ banya ye nwo asomdwee nyekyire, wɔ aberɛ bɔ asomdwee biala nne berɛ ɔ, AWURADE Nyameɛ noa dwirɛ ɛne.

Hesekiel 22:28

Na ye ngɔmhyɛlɛfoɛ benwu ngondombo nyekyire bekyire bɛ, yeɛ bɛhyɛ ngɔndorɔ bekyire bɛ. Bɛkã kyɛ, ‘AWURADE Nyameɛ nwa nyoo,’ wɔ aberɛ bɔ nna AWURADE yeɛ wahã ɔ.

Hesekiel 7:25

Amaneɛ ɔ́ba, na bɛkɔpena asomdwee si atee, nakoso bengonya bie.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Mika 2:11

Sɛ ebie nate ɔkekã edwirɛ mbaen mbaen ne ngondombo dwirɛ kyɛ, “Ngɔhyɛ nzaa ne nzaa serɛ nwo ngɔm ngohyire wɔ” a, ye yeɛ bekobu ye kyɛ ɔte maen ngɔmhyɛlɛniɛ ɔ.

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

1 Yohane 2:26

Bɔ mekyerɛ mebrɛ ɛmɔ ye fa bɛ bɔ bɛlakalaka ɛmɔ ne nwo.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.