Hesekiel 12:7 - AHYERƐLƐ KRONGRON

⁷ Yeɛ nyɔle kyɛbɔ ɔhyɛle me kyɛ nyɔ ne ala. Me nningyein borɛ bɔ ɔte kyɛ sona bɔ ɔkɔ nnurehyelɛ nu deɛ ne, nye mvitele eyia. Na odwuli nɔsoa ne, mvale me sa mmɔngyele fasue ne anu. Na me nningyein borɛ ne, mva ndole me kɔme anwo nzili nu mvale awosii nu ngɔle, bɔ né bɛ nye tua ɔ.

Hesekiel 12:7 Iomraidhean Croise

Hesekiel 12:3

Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 12:8

Na ɔwale kyɛ, AWURADE lale ye dwirɛ ali hyirele me ngyerɛmɔ kyɛ,

Hesekiel 2:8

“Na wɔ, Sona awa, tie bɔ méka mékyire wɔ ye. Nnɛyɛ lɔen kyɛ sɔ ɛlɔenyɛlɛ abusua ne. Bukye wɔ noa nu, ná di bɔ méfa méma wɔ ye.”

Hesekiel 24:18

Yiti ndwudwo ngyirele maen ne ngyerɛmɔ, na ye nɔsoa ne, me ye ne wuli. Na aleɛ hyene ngyerɛmɔ ne, nyɔle kyɛbɔ ɔhyɛle me kyɛ nyɔ ne ala.

Hesekiel 37:10

Yiti nhyɛle ngɔm kyɛbɔ ɔfale ahyɛdeɛ mane me ne ala. Nwomeɛ ne oowurale bɛ nu, benyane ngoa, bedwɔsole begyinagyinane bɛ gya so, na né bɛte ɛlɔen piri paa.

Hesekiel 37:7

Yiti kyɛbɔ ɔfale ahyɛdeɛ mane me ne, nhyɛle ngɔm. Na me noa wɔ so bɔ mehyɛ ngɔm ne, yieee, ndele dede kukurokukuro bie, mmowue nemɔ toatoale so, na mmowue nemɔ hã siesiele ye nyunu.

Marko 14:16

Na ye asuafoɛ nemɔ besili nu bɛhɔle, beedwuli kuro ne anu, na benwuni nikyee biala kyɛbɔ ɔhã hyirele bɛ ne; na besiesiele Abɔtra aleɛ ne.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Asomafoɛ 26:19

“Yiti, Nana Agripa, manyɛ asoserɛ wɔ nyameɛso nyekyire ne nwo.