Hesekiel 12:6 - AHYERƐLƐ KRONGRON

⁶ Ma borɛ ne aso to wɔ kɔme anwo bɔ bɛ nye tua ɔ, na aleɛ sa a, fa fite si nu kɔ. Fa nikyee mundu wɔ nyunu bɔ engonwu aseɛ ne ɔ, ofikyɛ mafa wɔ mayɛ sɛngyerɛnneɛ mama Yisrael awuro ama.”

Hesekiel 12:6 Iomraidhean Croise

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

2 Ahemvo 7:5

Yiti bedwɔsole nɔsoa kyɛ bɛkɔ Siriafoɛ asikyeleɛ ne anu, nakoso beedwuli asikyeleɛ ne anwo ne, né sona fee nne berɛ.

YOB NWOMAA NE 24:17

Sɔ mmenia ne amukoraa, awosii kabii yeɛ ɔte bɛ ngyerɛmɔ ɔ, na bɛfa awosii kabii nu nningyein suronyisuronyi abiɛngoɛ.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

Hesekiel 12:13

Ngɔtrɛtrɛ m’asawu nu ngogua ye so, na me ngaen kɔhye ye, na ngɔfa ye ngɔhɔ Babilɔn bɔ ɔwɔ Kaldeafoɛ b’aseɛ so ɔ. Nakoso ongonwu ye, na dɔ yeɛ okowu ɔ.

Hesekiel 12:5

Bɔngye fasue ne anu bɔ bɛ nye tua ɔ, ná fa nu fite.

Hesekiel 24:24

Sɔ yeɛ Hesekiel kogyina berɛ kɔma ɛmɔ kyɛ sɛngyerɛnneɛ ɔ; na bɔ wayɔ ne amukoraa, ɛmɔ koso ɛmɔkɔyɔ bie. Na sɛ sɔ dwirɛ ne si a, afei ɛmɔkonwu kyɛ me ole AWURADE Nyameɛ.’

Hesekiel 4:3

Afei fa buralɛ tɛtrɛtɛɛ, fa yɛ buralɛ fasue wɔ wɔ ne kuro ne b’afia, fa wɔ nye kyire ye, maa ɔyɛ kuro bɔ batua ye ɔ, ná tua ye serɛserɛ. Na ɛhe kɔyɛ sɛngyerɛnneɛ kɔma Yisrael awuro ama.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

1 Samuel 28:8

Yiti Sɔɔlo sakyerale ye nwo, owurale ndaadeɛ mbaen biemɔ, na osili nu ɔne mmenia nyɔ bɛhɔle berɛ. Beedwuli braa ne berɛ kɔngɔen. Na osele braa ne kyɛ, “Fa ngɔndwemahwenɛ so kɔ abisa ma me, na frɛ bɔ ngɔbɔ ye dumaa ngohyire wɔ ne fi ɛborɔ dɔ ma me.”