Hesekiel 12:3 - AHYERƐLƐ KRONGRON

³ Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 12:3 Iomraidhean Croise

Edwein 81:13

Ao, sɛ ahaa me maen kotie me dwirɛ a, sɛ ahaa Yisrael kɔnate m’atee so a!

Yeremia 10:17

Wɔ bɔ ɛte kuro bɔ batua ye nu ɔ, boaboa wɔ nningyein noa fi aseɛ ne aso!

Yeremia 26:3

Ebiaa bekotie, ná ebiala wahwe ye nwo wafi ye bɔne atee nwo, amaa ɔnate so amaneɛ bɔ ɔnate bɛ bɔne yɔleɛ ti madwene ye nwo kyɛ ngɔprapra ngogua bɛ so ne, masesã m’adwene wɔ ye nwo.

Yeremia 27:2

Bɔ AWURADE sele me ɛhe, “Fa nyamaa ne mmakaa yɔ kɔnnua ná fa to wɔ kɔme.

Yeremia 36:3

Ebiaa Yuda awuro ama bɛkɔte musue amukoraa bɔ mayɛ m’adwene kyɛ ngɔprapra ngogua bɛ so ne, amaa ɔnate so ebiala asakyera ye adwene wafi ye bɔne atee nwo, ná mafa b’amumuyɛɛ ne bɛ bɔne mahyɛ bɛ.”

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 7:26

nakoso bandie me dwirɛ, yeɛ bandɛ me so, na mmom bɛsoale bɛ kɔme so kyeinn. Bɛyɔle bɔ ɔtte mayee bɛtrale bɛ nana mɔ.

Hesekiel 12:7

Yeɛ nyɔle kyɛbɔ ɔhyɛle me kyɛ nyɔ ne ala. Me nningyein borɛ bɔ ɔte kyɛ sona bɔ ɔkɔ nnurehyelɛ nu deɛ ne, nye mvitele eyia. Na odwuli nɔsoa ne, mvale me sa mmɔngyele fasue ne anu. Na me nningyein borɛ ne, mva ndole me kɔme anwo nzili nu mvale awosii nu ngɔle, bɔ né bɛ nye tua ɔ.

Hesekiel 3:26

Ngɔma wɔ temverema kɔmata wɔ nnaalɔ, na ɛkɔtɔ mumu bɔ ɛngɔhora bɛ nyunu twi ɔ, ofikyɛ bɛte abusua bɔ bayɛ lɔen ɔ.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 43:11

Na sɛ bɛ nyunu gua ase wɔ bɔ bayɔ amukoraa nwo a, afei kyire bɛ kyɛbɔ awuro ne osi te ɔ, ɔne kyɛbɔ besi bɛhyehyɛle ye ɔ, ye anoa mɔ bɔ bɛfa nu befite, ɔne bɔ bɛfa nu bɛkɔ nu ɔ, sua ne sue amukoraa, ye nwo nhyehyɛleɛ amukoraa, kyɛbɔ basi basi ye amukoraa, ɔne ye nwo mmeraa amukoraa. Kyerɛ ye wɔ bɛ nyunu berɛ ma bɛnea kyɛbɔ basi basi ye amukoraa, ɔne ye nwo nhyehyɛleɛ amukoraa, ná beli so.

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 20:13

Yeɛ bobe boo mene ne sele kyɛ, ‘Ɛhe de, ngɔyɛ ye sɛ? Ngɔsoma mma bɔ ɔla m’ahone nwo ɔ; ebiaa ye de bɛkɔfa anidie bɛkɔma ye!’

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Deuteronomi 5:29

O, sɛ ahaa daa biala bele sɔ adwene ne, kyɛ bekosuro me ná bali me mmeraa dwirɛ mukoraati so a, ahaa okoyie bɛ ne bɛ mma mɔ yé afebɔɔ!

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,