Hesekiel 12:25 - AHYERƐLƐ KRONGRON

²⁵ Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 12:25 Iomraidhean Croise

Yesaya 14:24

Asafo AWURADE ata ndaen kyɛ, “Kyɛbɔ masusu ye nwo ne, sɔ ala yeɛ okosi ɔ, kyɛbɔ mayɛ m’adwene ne, sɔ ala yeɛ ɔkɔwa nu ɔ:

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Yeremia 1:11

Afei, AWURADE lale ye dwirɛ ali hyirele me kyɛ, “Yeremia, bɔ enwu ye e, nzikyɛ ɛne?” Na mmuale kyɛ, “Menwu atonwaa bakaa ye mmaen.”

Yeremia 16:9

Ofikyɛ bɔ Asafo AWURADE Yisrael Nyameɛ kã ɛhe: Ngɔma ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga, ye bo kɔpɛ wɔ wa wɔ ɛmɔ aberɛ so, bɔ ɛmɔ nye tua ɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Hesekiel 12:26

Na AWURADE lale ye dwirɛ ali hyirele me bieku kyɛ,

Hesekiel 12:28

Ɔnate sɔ ne ati, se bɛ kyɛ, ‘AWURADE Nyameɛ nwa nyoo: Mengɔtwetwe me gya ase wɔ me noa dwirɛ biala nwo ko, na mmom edwirɛ bɔ mahã ne, ɔkɔwa nu, AWURADE Nyameɛ noa dwirɛ ɛne.”

Hesekiel 6:10

Na bekonwu kyɛ me ole AWURADE; na edwirɛ bɔ mahã, kyɛ ngɔprapra sɔ musue he ngogua bɛ so ne, manga ye mbaen.”

Hesekiel 7:13

Sona bɔ ɔyɛ nningyein atɔen ne, sɛ ɔtɛ te ase a, ye sa ngɔhã bɔ watɔne ye ne ko, ofikyɛ nyekyire bɔ ɔfa b’anwonya mukoraa nwo ne, ɔngɔsesã. Na ɔnate b’amumuyɛɛ ti, ebiala ngonya ye ti ngoa.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Habakuku 1:5

Ɛ́mɔto ɛmɔ nye bɛ́nea maen maen nemɔ anu, ɛ́mɔma ɔyɛ ɛmɔ nwanwa ná ɛmɔ nwo dwiri ɛmɔ, ofikyɛ mebaayɔ nikyee bie wɔ ɛmɔ aberɛ so, bɔ sɛ bɛkã bekyire ɛmɔ po a, ɛmɔngole bengoli ɔ.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Numeri 11:23

Na AWURADE sele Mose kyɛ, “AWURADE tumi ne, aso nikyee bie wɔ berɛ bɔ ɔngora ye yɔ ɔ? Afei ekonwu ye, sɛ me dwirɛ ne kɔwa nu kɔma wɔ anaakyɛ ɔngɔwa nu a.”

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Luka 21:13

Na ɛhe kɔma ɛmɔkoli me nwo adanzeɛ!

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.