Hesekiel 12:23 - AHYERƐLƐ KRONGRON

²³ Yiti kã kyire bɛ kyɛ, ‘AWURADE Nyameɛ nwa: Ngɔma sɔ anyandera he bo kɔpɛ, na bengobu sɔ anyandera ne ko wɔ Yisrael.’ Na mmom kã kyire bɛ kyɛ, ‘Ngyẽa ne apingye, na nyekyire biala kɔwa nu.

Hesekiel 12:23 Iomraidhean Croise

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Yesaya 28:22

Yiti nnɛma ɛmɔdi ngorohoɛ ko, anyɔ a, bekomia ɛmɔ panwu ne anu; ofikyɛ mate ehuhunɛ pasaa nwo dwirɛ mafi Asafo AWURADE Nyameɛ berɛ, kyɛ, ɔkɔmaa ɔkɔto aseɛ amukoraa.

Hesekiel 12:25

Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 16:44

“Tie, ebiala bɔ obu anyandera ne, okobu sɔ anyandera he kɔfa wɔ nwo: ‘Kyɛbɔ niɛ ne te ne, sɔ ala yeɛ ɔwa brasua ne koso ɔte ɔ.’

Hesekiel 18:3

Susu amba, kyɛ nde ase ye, ɛmɔngobu sɔ anyandera ne ko wɔ Yisrael, AWURADE Nyameɛ noa dwirɛ ɛne.

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Mateo 24:34

Nahorɛ nu, mekã mekyire ɛmɔ kyɛ, aworɛ ndoatoasoɛ he ngɔpɛ nu, sana ɛhemɔ amukoraa bawa nu koraka.