Hesekiel 12:2 - AHYERƐLƐ KRONGRON

² “Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Hesekiel 12:2 Iomraidhean Croise

2 Ahemvo 17:14

Nakoso bandie, na mmom bɛyɛle asoserɛ kyɛbɔ bɛ nana mɔ bɔ banne AWURADE bɛ Nyameɛ banni ne, bɛyɛle ne ala.

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 30:9

Ofikyɛ bɛte maen bɔ bɛyɛ lɔen ɔ, mmaa nnakannakafoɛ, mmaa bɔ bɛnyɛ sotie bɛmma AWURADE mmeraa ɔ.

Yesaya 43:8

Maen bɔ bɛ nye asi, nakoso bele anyeɛ ne, bɔ bɛ so ati, nakoso bele asoɛ ne, fa bɛ bra!

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yesaya 65:2

Ndrɛtrɛle me sa nu daa mukoraa mane maen bɔ wayɛ lɔen ne, bɔ bɛnate atee bɔ ɔtte mayee so, bɔ bedi bɛ bɔbɔ bɛ ti piri ne;

Yeremia 4:17

Bapɛ ye nwo bayia kyɛ ahwɛsofoɛ bɔ bɛnea eboo ɔ, ofikyɛ wayɛ me nwo lɔen, AWURADE noa dwirɛ ɛne.

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Yeremia 5:23

Nakoso sɔ maen he, asoserɛ ne ɛlɔenyɛlɛ ali bɛ ti; bali makyebu bafa bɛ bɔbɔ b’atee so.

Yeremia 7:26

nakoso bandie me dwirɛ, yeɛ bandɛ me so, na mmom bɛsoale bɛ kɔme so kyeinn. Bɛyɔle bɔ ɔtte mayee bɛtrale bɛ nana mɔ.

Hesekiel 12:1

AWURADE lale ye dwirɛ ali hyirele me bieku kyɛ,

Hesekiel 12:25

Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 17:12

“Bisa ɛlɔenyɛlɛ abusua ne kyɛ, Aso ɛmɔnde ɛhemɔ abo hɔ ɔ? Kã kyɛ, Ɛ́mɔtie, Babilɔn hene wale Yerusalem, ɔhyehyele nu hene ne nu atitire, na ɔsesale bɛ hɔle Babilɔn.

Hesekiel 2:3

Osele me kyɛ, “Sona awa, mésoma wɔ wɔ Yisraelfoɛ berɛ, ɛlɔenyɛlɛ maen bɔ bayɛ me nwo lɔen ne berɛ; bɛ ne bɛ nana mɔ yeɛ batiatia me mmeraa so maa waadwu ɛnɛ ɔ.

Hesekiel 24:3

Bu ɛlɔenyɛlɛ abusua ne anyandera, ná se bɛ kyɛ, AWURADE Nyameɛ nwa nyoo: Fa kukue ne sie see so, fa sie so, hwie nzue gua nu;

Hesekiel 3:9

Mama w’ahone ayɛ se watra nyɔboɛ bɔ ɔyɛ se tra twerɛboɛ ɔ. Nnɛsuro bɛ, yeɛ nnɛsuro bɛ nyunu, ofikyɛ bɛte abusua bɔ bayɛ lɔen ɔ.”

Hesekiel 44:6

Na kã kyire mmenia bɔ bayɛ lɔen ne, bɔ bɛ ole Yisrael awuro ama ne, kyɛ, AWURADE Nyameɛ nwa nyoo: O Yisrael awuro ama, wayɛ yee! Ɛmɔ akyiwadeɛ yɔleɛ ne amukoraa, ɛ́mɔpɛ so!

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Yohane 12:40

“Wasi bɛ nye, na wama b’adwene ala, ná bamva bɛ nye bannwu nikye, ná bamva b’adwene bande ye bo, na banza bamma ma manza bɛ anwonyerɛ.”

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Deuteronomi 29:3

nzɔhwɛ mbiri bɔ wɔ nye nwuni ye, bɔ ɔte nzɛngyerɛnneɛ ne anwanwadeɛ mbiri ne.

Deuteronomi 29:4

Nakoso ɛnɛ ne ɛnɛ ye po, AWURADE nnya mmane ɛmɔ adwene bɔ ɔte edwirɛ (hemɔ) bo ɔ, anaa anyeɛ bɔ onwu nikye ɔ, anaa asoɛ bɔ ɔte dwirɛ ɔ.

Deuteronomi 31:27

Ofikyɛ mese wɔ nye bɔ ɔnzɔ nikye ɔne w’asoserɛ. Me ne ɛmɔ yɛte ase ye po yeɛ ɛmɔahwi bafa AWURADE dwirɛ so sɔa ye, na me wue asi koso ɛ!

Deuteronomi 9:24

Na ɛmɔahwi bafa AWURADE dwirɛ so toonn fite kyẽa bɔ nwuni ɛmɔ ɔ.

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.