Hesekiel 12:16 - AHYERƐLƐ KRONGRON

¹⁶ Nakoso ngɔma bɛ nu kãa bie konya bɛ ti bekodidi nu bekofi ngrandɛ ne noa, kofi ɛhɔen ne ewue anwonyerɛ nu, amaa ɔnate so bato bɛ noa nu tui bahã b’akyiwadeɛ yɔleɛ amukoraa wɔ maen maen bɔ bɛkɔhɔ so nemɔ anu, na bekonwu kyɛ me ole AWURADE.”

Hesekiel 12:16 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Edwein 59:12

Bɛ noa dwirɛ bɔ ɔte bɔne, yeɛ edwirɛ bɔ otua bɛ noa ne ati, ma b’anwomasoɛ ne kakyi ngaen ɔhye bɛ. Ɔnate bɛ noa dwirɛ bɔ ɔte amoenwaa ne ngondombo ne ati,

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 10:19

Ye hɔayeɛ ne anu mmakaa bɔ bɛkɔha ne, ɔkɔyɛ kaaba bie bɔ akwadaa po ɔkɔhora kɔha kɔhyerɛ ye somaa ɔ.

Yesaya 10:22

Ɔwɔ nu kyɛ wɔ maen Yisrael bɛsone pee kyɛ mboanoa anweaa de, nakoso bɛ nu kaaba bie yeɛ bekosa bɛkɔwa ɔ. Nyameɛ ahyehyɛ bɔ ɔbaato bɛ ne wato berɛ, na ɔnate pɛpɛɛpɛyɛlɛ mmorosoɛ so yeɛ ɔkɔwa ɔ.

Yesaya 24:13

Sɔ ala yeɛ okosi aseɛ so wɔ maen maen mɔ nu ɔ. Ɔkɔyɛ kyɛ olive bakaa bɔ baporo ye mma bagua ɔ, anaakyɛ bobe bɔ bate ye mma maa waha ye si kãa bie ɔ.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 4:27

Ofikyɛ AWURADE nwa nyoo: “Aseɛ ne amukoraa kɔkakyi kurofoen, nakoso mengonua bɛ boso bɔkɔɔ.

Hesekiel 12:15

Na sɛ mebɔ bɛ mesande maa bɛkɔ maen maen nemɔ nu, ná meto bɛ mepete aseɛ nemɔ aso a, ye de bekonwu kyɛ me ole AWURADE.

Hesekiel 12:17

Na AWURADE lale ye dwirɛ ali bieku hyirele me kyɛ,

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 36:20

Nakoso beedwuli maen maen nemɔ nu nen, nekaa biala bɔ bɛhɔle nen, beguale me dumaa krongron ne anwo fiɛ, ofikyɛ mmenia hane dwirɛ fale bɛ nwo kyɛ, ‘Ɛhemɔ yeɛ bɛte AWURADE maen ne ɔ, nakoso batu bafi ye aseɛ ne aso bahɔ.’

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hesekiel 7:15

Ngrandɛ wɔ eburo, yeɛ ewue anwonyerɛ ne ɛhɔen wɔ kuro; bɔ ɔwɔ buro ne, ɔkɔtɔ ngrandɛ noa; yeɛ bɔ ɔwɔ kuro ne koso, ɛhɔen ne ewue anwonyerɛ kohũ ye.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Mateo 7:14

Anoa bɔ ɔte bɔtɔfee ne atee bɔ ɔte kyenɔnn ne yeɛ ɔkɔ ngoa nu ɔ, na mmenia kaaba bie yeɛ benwu ye ɔ.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;