Hesekiel 12:12 - AHYERƐLƐ KRONGRON

¹² Na panyi bɔ ɔla bɛ noa ne, ɔkɔma ye nningyein borɛ so kɔto ye kɔme anwo awosii nu, ná wasi nu wahɔ. Bɛkɔbɔngye fasue ne anu, ná bafa nu bahɔ. Ɔkɔfa nikyee komundu ye nyunu, amaa ɔnate so wamva ye nye wannwu aseɛ ne.

Hesekiel 12:12 Iomraidhean Croise

2 Ahemvo 25:4

Na Babilɔnfoɛ ɛlɔen ne bɛbɔngyele kuro berɛ fasue ne anu tokuro. Ɔwɔ nu kyɛ né Babilɔn ɛlɔen ne bapɛ kuro ne anwo bayia de, nakoso kɔngɔen, Nana Sedekia ne ye koɛhonɛfoɛ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu bɛhɔle. Pambim ne pingye Nana Sedekia turo ne. Bɛfale bɛ nye behyirele asue Yɔɔdan bɔnza ne anu dɔ.

2 Ahemvo 7:5

Yiti bedwɔsole nɔsoa kyɛ bɛkɔ Siriafoɛ asikyeleɛ ne anu, nakoso beedwuli asikyeleɛ ne anwo ne, né sona fee nne berɛ.

YOB NWOMAA NE 24:16

Awosii ba a, otofi sua terɛ nu tokuro, aleɛ kye koso a, ɔto ye nwo anoa nu, na ɔnze kyɛbɔ alehyeleɛ si te hyireinn ɔ.

Yeremia 24:8

“Nakoso AWURADE nwa nyoo: Kyɛbɔ borɔdoma bɔ ɔtte mayee, bɔ bedi a ɔnyɛ yé ne ɔte ne, sɔ ala yeɛ ngobu Yuda hene Sedekia ɔne ye mbanyi ne Yerusalemfoɛ ngaa bɔ bɛkɔha aseɛ he aso ne, ɔne bɛ bɔ bɛte Misraim aseɛ so ne ɔ.

Yeremia 32:5

Ɔkɔhwe Sedekia kɔhɔ Babilɔn, na dɔ yeɛ Sedekia kɔha alaa kɔpem kyɛ ngɔɔpasa ye nwo ɔ, AWURADE noa dwirɛ ɛne. Ɛmɔ ne Kaldeafoɛ bɛkɔho koɛ de, nakoso ɛmɔngoli ngonim.’ ”

Yeremia 37:17

Afei Nana Sedekia somane maa bɛɛfale ye bɛwale ye nyunu. Na Nana bisale ye mvealeɛ nu wɔ ye awuro berɛ kyɛ, “Aso AWURADE ala edwirɛ bie ali wahyire wɔ anaa?” Yeɛ Yeremia buale kyɛ, “Yoo, edwirɛ wɔ berɛ.” Afei Yeremia toale so kyɛ, “Bɛkɔfa wɔ bekowura Babilɔn hene sa.”

Yeremia 39:4

Na ɔwale kyɛ, mmerɛ bɔ Yuda hene Sedekia ne koɛhonɛfoɛ nemɔ amukoraa benwuni bɛ ne, bɛnwatili. Bɛfale ɛhene turo ne anu bɛɛfale pambim bɔ ɔla fasue nyɔ nemɔ b’afia ne anu befili kuro berɛ kɔngɔen, na bɛfale bɛ nye behyirele aseɛ pralaa ne aso.

Yeremia 42:7

Na ɔwale kyɛ, ye eleburu ne asi, AWURADE lale ye dwirɛ ali hyirele Yeremia.

Yeremia 52:7

Na bɛbɔngyebɔngyele kuro berɛ fasue ne anu tokuro. Ɔwɔ nu kyɛ né Kaldeafoɛ bapɛ kuro ne anwo bayia de, nakoso kɔngɔen, koɛhonɛfoɛ nemɔ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu befili kuro berɛ bɛhɔle. Sɔ pambim ne, opingye ɛhene turo ne. Bɛfale bɛ nye behyirele asue Yɔɔdan bɔnza ne anu dɔ.

Hesekiel 12:4

Ye wɔ nningyein borɛ ne fite eyia kyɛ sona bɔ bahye ye nnure ɔ ye deɛ, bɔ bɛ nye tua ɔ. Tu fi berɛ kɔ nɔsoa, bɔ bɛ nye tua ɔ, kyɛbɔ mmenia bɔ bɛsesa bɛ bɛkɔ nnurehyelɛ nu ne bɛyɔ ne ala.

Hesekiel 12:6

Ma borɛ ne aso to wɔ kɔme anwo bɔ bɛ nye tua ɔ, na aleɛ sa a, fa fite si nu kɔ. Fa nikyee mundu wɔ nyunu bɔ engonwu aseɛ ne ɔ, ofikyɛ mafa wɔ mayɛ sɛngyerɛnneɛ mama Yisrael awuro ama.”