Hesekiel 12:11 - AHYERƐLƐ KRONGRON

¹¹ Kã kyɛ, ‘Nde sɛngyerɛnneɛ ma ɛmɔ, na bɔ nyɔle ne, sɔ ala yeɛ bɛkɔfa bɛkɔyɛ bɛ ɔ. Bɛkɔhye bɛ nnure bɛkɔsesa bɛ bɛkɔhɔ.’

Hesekiel 12:11 Iomraidhean Croise

2 Ahemvo 25:11

Mmenia ngaa bɔ baha kuro ne aso ne, ɔne Yuda koɛhonɛfoɛ bɔ né banwati bafa bɛ nwo baabɔ Babilɔn hene ne, yeɛ mmenia ne amukoraa, Nebusaradan bɔ ɔte awɛmvoɛ nemɔ aso safohene ne, ɔhyele bɛ nnure fale bɛ hɔle.

2 Ahemvo 25:7

Behuhuni Sedekia mma mmienzua bɔ ye bɔbɔ ye nye tua ɔ, na betutuli Sedekia nye. Beguale ye ngɔnzɔngɔnzɔ bɛfale ye bɛhɔle Babilɔn.

Yeremia 10:17

Wɔ bɔ ɛte kuro bɔ batua ye nu ɔ, boaboa wɔ nningyein noa fi aseɛ ne aso!

Yeremia 15:2

Na sɛ bebisa wɔ kyɛ, ‘Nisua yeɛ yɛhɔ ɔ?’ a, bua bɛ kyɛ, bɔ AWURADE kã ɛhe: Bɛ bɔ odi kyɛ ewue anwonyerɛ ku bɛ ne, okohu bɛ, bɛ bɔ odi kyɛ bɛtotɔ ngrandɛ noa ne, bɛkɔtotɔ ngrandɛ noa, bɛ bɔ odi kyɛ ɛhɔen kũkũ bɛ ne, okohũhũ bɛ, yeɛ bɛ bɔ odi kyɛ bɛkye bɛ nnure ne, bɛkɔhye bɛ nnure.’

Yeremia 52:15

Mmenia bɔ bɛ nwo yɛ anwumvo nemɔ bie, mmenia ngaa bɔ baha kuro ne aso, ɔne koɛhonɛfoɛ bɔ bɛnwatili bɛɛfale bɛ nwo bɛɛmane Babilɔn hene ne, yeɛ mmenia ne amukoraa, awɛmvoɛ nemɔ aso safohene Nebusaradan hyele bɛ nnure fale bɛ hɔle.

Hesekiel 12:3

Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 12:6

Ma borɛ ne aso to wɔ kɔme anwo bɔ bɛ nye tua ɔ, na aleɛ sa a, fa fite si nu kɔ. Fa nikyee mundu wɔ nyunu bɔ engonwu aseɛ ne ɔ, ofikyɛ mafa wɔ mayɛ sɛngyerɛnneɛ mama Yisrael awuro ama.”

Hesekiel 4:1

“Wɔ, Sona awa, fa nyɔboɛ tafaa to wɔ nyunu, kolikoli Yerusalem kuro ne gua so;

Hesekiel 4:3

Afei fa buralɛ tɛtrɛtɛɛ, fa yɛ buralɛ fasue wɔ wɔ ne kuro ne b’afia, fa wɔ nye kyire ye, maa ɔyɛ kuro bɔ batua ye ɔ, ná tua ye serɛserɛ. Na ɛhe kɔyɛ sɛngyerɛnneɛ kɔma Yisrael awuro ama.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.