Hesekiel 11:9 - AHYERƐLƐ KRONGRON

⁹ Ngotu ɛmɔ ngofi kuro ne anu, ngɔfa ɛmɔ ngowura ɛwɔfoɛ mɔ sa, na ngobua ɛmɔ ndɛen.

Hesekiel 11:9 Iomraidhean Croise

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

Ɛsra 9:7

Fite yɛ nana mɔ aberɛ so toonn bɔ ɔbaadwu ɛnɛ ɔ, mvomsoɛ ali yɛ ti. Na ɔnate yɛ ne y’ahemvo mɔ ne y’asɔfo mɔ amumuyɛɛ ti, yeɛ Amaenmaensofoɛ ahemvo mɔ bɛ sa ahã yɛ bɔ beku yɛ, bɛkye yɛ nnure, bɛfẽ yɛ nningyein bɛfa, ná begua yɛ nyunu ase, kyɛbɔ kekesaala ye ɔte ye.

Edwein 106:30

Yeɛ Finehase dwɔso gyinane lili bɛ ti dwirɛ mane bɛ, na ewue anwonyerɛ ne abo pɛle.

Edwein 106:41

Ɔfale bɛ wurale maen maen mɔ sa maa ɔnate so bɛ pɔfoɛ mɔ lili bɛ so.

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Yeremia 29:20

Na afei, ɛmɔ bɔ bahye ɛmɔ nnure amukoraa, bɔ maye ɛmɔ mafi Yerusalem mahɔ Babilɔn ne, ɛ́mɔtie AWURADE dwirɛ.

Yeremia 39:6

Yeɛ Babilɔn hene huhuni Sedekia mma mmienzua nemɔ wɔ Ribla bɔ ye nye tua ɔ. Asa koso, Babilɔn hene huhuni Yuda atitire amukoraa.

Hesekiel 11:7

Yiti AWURADE Nyameɛ nwa nyoo: Mmenia bɔ ɛmɔahũhũ bɛ bagua nu ne, bɛ ole naen ne, yeɛ kuro he ole turonzemaa ne; nakoso ɛmɔ de, ngotu ɛmɔ ngofi nu.

Hesekiel 16:38

Na mmrasua bɔ bɛfa bɛ hu asi, ná besa bɛkã mogya begua ne, b’asohwenɛ ne bie yeɛ ngɔfa ngɔhwe wɔ so ɔ. Na nne ɛyaafɛlɛ ne nungunɛhwenɛ maa ekonwu wɔ mogya nyunu.

Hesekiel 16:41

Bɛkɔto wɔ sua mɔ nu see, na bɛkɔhwe wɔ so bɔ mmrasua pee bɛ nye tua ɔ. Ngɔmaa ɛkɔyakyi gyanderabɔlɛ ne, na ɛngɔhyɛ nikyee ko.

Hesekiel 21:31

Ngɔfɛ wɔ so yaa piri paa, m’anyeborolɛ see ne, ngohu ngogua wɔ so; na ngɔfa wɔ ngowura atianuserɛfoɛ bɔ nzɛmmɔne ali bɛ ti ɔ bɛ sa.

Hesekiel 30:19

Sɔ yeɛ ngɔhwe Misraim so ɔ, na afei bekonwu kyɛ me ole AWURADE.”

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hesekiel 5:15

Na sɛ mebua wɔ ndɛen wɔ ahonehulɛ ne anyeborolɛ so, ná metwe wɔ so serɛserɛ a, ɛkɔkakyi animguaseɛ, ngorohoɛ nikye, kɔkɔbɔlɛ ne edwirɛ nwanwa kɔma maen maen bɔ bapɛ wɔ nwo bayia nemɔ; me AWURADE, me yeɛ mahã ɔ.

Hesekiel 5:8

yiti AWURADE Nyameɛ nwa nyoo: Tie, me ne wɔ yɛkoli, na ngɔhwe wɔ so bɔ maen maen mɔ bɛ nye tua ɔ

Yohane 5:27

na wama ye tumi kyɛ obua ndɛen, ɔnate kyɛ ye ole Sona Awa ne.

Romanfoɛ 13:4

Ofikyɛ wɔ yeeyɛlɛ ti bɛte Nyameɛ somvoɛ. Nakoso sɛ ɛyɔ bɔne de a, ye de ɔsɛ kyɛ esuro ɔ, ɔnate kyɛ bendira ɛhɔtɔ ne mbaen! Bɛte Nyameɛ somvoɛ bɔ bɛtɔ wereɛ bɛma bɛ yaafɛlɛ ba sona bɔ ɔyɔ bɔne so ɔ.

Deuteronomi 28:36

“Wɔ, ɛne sona bɔ ɛkɔfa ye koli wɔ so hene ne, AWURADE kɔsesa ɛmɔ kɔhɔ maen bɔ ɛne wɔ nana mɔ bɛnze so ɔ so, na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ.

Yuda 1:15

kyɛ ɔbaabua ebiala ndɛen, na okobua amumuyɛɛfoɛ amukoraa foɛ wɔ b’amumuyɛɛ yɔleɛ amukoraa nwo, ɔne edwirɛ tɛɛ amukoraa bɔ bɔnefoɛ amumuyɛɛfoɛ bakekã batia ye ɔ nwo.”