Hesekiel 11:5 - AHYERƐLƐ KRONGRON

⁵ Yeɛ AWURADE Sunzum wale me so, na osele me kyɛ, “Kã kyɛ AWURADE nwa nyoo: O Yisrael awuro ama, bɔ ɛmɔkã hɔ ɛne, ofikyɛ mese ɛmɔ ti anu adwene biala.

Hesekiel 11:5 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Edwein 50:21

Ɛyɔle sɔ nningyein nemɔ bɔ mandɛ wɔ so ne ati, ɛdwene kyɛ nde kyɛ wɔ ala. Na afei de, mekã wɔ nyunu ná mebɔ wɔ kwaadu.

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Yesaya 28:15

Ofikyɛ ɛmɔnwa, “Yɛne ewue ayɛ apam, yɛne ɛborɔ yayɛ nhyehyɛleɛ, sɛ mbire bɔ ye noa yɛ yea tra so ne ɔbaapɛ nu a, ongonya yɛ ngofi yɛ, ofikyɛ yafa kanda yayɛ yɛ afealeɛ, yeɛ yafa nnakannaka yabɔ yɛ nwo waen.”

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 11:20

Nakoso Asafo AWURADE, wɔ bɔ ebua ndɛen turoloo, bɔ ɛpɛnzɛpɛnzɛ sona ahone nu ne ye ti anu ɔ, maa nwu wɔ wereɛtɔlɛ ne wɔ bɛ so, ofikyɛ wɔ yeɛ mafa me dwirɛ mawura wɔ sa ɔ.

Yeremia 16:17

Ofikyɛ me nye tua bɛ yɔleɛ amukoraa. Bɛmvea wɔ me nyunu, yeɛ b’amumuyɛɛ koso, so ɔngata wɔ me nye so.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Hesekiel 2:2

Na mmerɛ bɔ odwudwo hyirele me ne, Sunzum ne wurale me nu, na ɔpagyale me maa ngyinane me gya so, na ndele kyɛ odwudwo kyire me ɔ.

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Hesekiel 20:32

“Bɔ ɔwɔ ɛmɔ adwene nu ne, ɔngɔwa nu le. Ɛmɔnwa: Ɛ́mɔma yɛyɛ kyɛ maen maen nemɔ, kyɛ aseɛ nemɔ aso mmusua nemɔ, ná yɛsɔne bakaa ne nyɔboɛ.

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 29:3

Dwudwo, ná se kyɛ, AWURADE Nyameɛ nwa nyoo, “Tie, meko metia wɔ, Misraim hene Faro, wɔ, sasrabɔnzam piri bɔ ɛla w’asue mɔ nu, bɔ ɛnwa: ‘M’asue Naele te me bɔbɔ me deɛ, na me bɔbɔ yeɛ nyɔ mane me nwo ɔ.’

Hesekiel 3:11

Si nu kɔ mmenia bɔ bahye bɛ nnure bahɔ ne berɛ, wɔ maen mmaa nemɔ berɛ kɔhã kyire bɛ. Sɛ betie oo, sɛ bandie oo, kã kyire bɛ kyɛ, ‘Bɔ AWURADE Nyameɛ kã hɔ ɛhe.’ ”

Hesekiel 3:24

Yeɛ Sunzum ne wurale me nu, na ɔmaa ngyinane me gya so, na ɔne me dwudwole, na osele me kyɛ, “Kɔ ná kɔto wɔ nwo anoa nu wɔ w’awuro.

Hesekiel 3:27

Nakoso sɛ me ne wɔ yɛdwudwo a, ngɔsangye wɔ temverema nyamaa ne maa ekose bɛ kyɛ, ‘Bɔ AWURADE Nyameɛ ɔkã hɔ ɛhe.’ Bɔ okotie ne, maa otie, yeɛ bɔ ongotie ne koso, yakyi ye, ofikyɛ bɛte abusua bɔ bayɛ lɔen ɔ.

Hesekiel 8:1

Afoɛ bɔ ɔtɔ so nzia ne, bosome bɔ ɔtɔ so nzia ne anu, ye elennu ne aso, né nde m’awuro bɔ Yuda mbanyi bɛtete me nyunu ɔ, na AWURADE Nyameɛ tumi wale me so wɔ berɛ.

Marko 2:8

Na berɛ ne ala, Yesu nwuni ye wɔ ye sunzum nu kyɛ sɔ yeɛ bɛdwenedwene wɔ bɛ nu ɔ, yiti obisale bɛ kyɛ, “Nzu ati yeɛ ɛmɔdwenedwene ɛhemɔ wɔ ɛmɔ nu ɔ?

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Asomafoɛ 10:44

Mmerɛ bɔ Petro gu so odwudwo ne, Sunzum Krongron ne wale mmenia mukoraa bɔ betie ye dwirɛ ne aso.

Asomafoɛ 11:15

Na nhyɛle ye bo kyɛ medwudwo ne ala yeɛ Sunzum Krongron ne wale bɛ so, kyɛbɔ ahyɛaseɛ ne ɔwale yɛ so ne ala.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 10:10

Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.