Hesekiel 11:3 - AHYERƐLƐ KRONGRON

³ Bɛ yeɛ bɛnwa: ‘Mmerɛ bɔ bɛfa besisi sua ne onnya oddwuli. Kuro he ole turonzemaa ne, yeɛ yɛ ole naen ne.’

Hesekiel 11:3 Iomraidhean Croise

2 Ahemvo 4:38

Elisa sa wale Gilgal. Sɔ mmerɛ ne, né ɛhɔen ape maen ne anu. Mmerɛ bɔ ngɔmhyɛlɛfoɛ fekue ne bɛtete Elisa nyunu berɛ ne, osele ye somvoɛ ne kyɛ, “Fa turonzemaa piri ne sie see so, na yɛ turoo ma ngɔmhyɛlɛfoɛ fekue ne.”

Yesaya 5:19

bɛ bɔ bɛnwa, “Ma ye nwo yɛ nyera e, maa ɔyɔ ye adwuma ne ndɛndɛ ma yɛnea e; Yisrael Krongronniɛ ne, ma ye botaeɛ ne opingye ma yɛnea e!”

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 12:27

“Sona awa, tie, Yisrael awuro ama mɔ bɛnwa: ‘Nyekyire bɔ onya ye ne, ɔkɔhyɛ paa koraka né wawa nu; yeɛ mmerɛ bɔ ɔwɔ moa moa nwo ngɔm yeɛ ɔhyɛ ɔ.’

Hesekiel 7:7

Ao, wɔ bɔ ɛte aseɛ ne aso ɔ, w’ayieleɛ ne awa. Mmerɛ ne adwu, kyẽa ne apingye, ɔte amaneɛ mmerɛ, na mmom ɔtte mmokaa so ahurusililɛ mmerɛ ko.

Amose 6:5

ɛmɔ bɔ ɛmɔto dwein basabasa bɛfa besuro sangoo so, ná ɛmɔyɔ edweintolɛ nningyein bɔ ɔte kyɛ Dawide deɛ ne ɔ;

Mika 3:3

ɛmɔdi me mmenia nwonaen, na ɛmɔpuro bɛ nwonaen befi bɛ nwo, ɛmɔbubu bɛ mmowue nu, ɛmɔpepɛ nu ahuronzi ahuronzi, kyɛ bɛfa begua kukue nu ɔ, kyɛ naen bɔ ogua turonzemaa nu ɔ.

2 Petro 3:4

ná babisa kyɛ, “Ye walɛ ne nwo bɔhyɛ ne, ɔyɛle sɛɛ bɔ ɔwwale nu ɔ? Ofikyɛ, ofi mmerɛ bɔ yɛ nana mɔ bɛlelale ɔ, kyɛbɔ nikyee biala te fi mmerɛ bɔ Ɛdangama bɔle aleɛ ne, sɔ ala yeɛ ɔte ɔ!”