Hesekiel 11:18 - AHYERƐLƐ KRONGRON

¹⁸ Na bɛkɔwa berɛ, na bɛkɔye so nningyein tɛɛ mukoraa ne akyiwadeɛ mukoraa bekofi so.

Hesekiel 11:18 Iomraidhean Croise

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 14:11

amaa ɔnate so Yisrael awuro ama banni makyebu ko banyakyi me si lilɛ, yeɛ bɛngɔfa bɛ mmeraatolɛ amukoraa bengogua bɛ nwo fiɛ ko; na mmom bɛkɔyɛ me maen maa me koso ngɔyɛ bɛ Nyameɛ, AWURADE Nyameɛ noa dwirɛ ɛne.”

Hesekiel 37:23

Bɛngɔfa bɛ mmosoen ne b’akyiwadeɛ nningyein anaa bɛ mmeraatolɛ biala bengogua bɛ nwo fiɛ ko. Na mmom ngɔpepɛ ngole bɛ ngofi bɛ makyebu amukoraa bɔ bali bafa bayɛ bɔne ne anwo; ngɔte bɛ nwo, na bɛkɔyɛ me maen, ná me wora mayɛ bɛ Nyameɛ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:20

Bɛfale bɛ mbembenanneɛ nyemene nemɔ bɛhoahoale bɛ nwo, bɛfa bɛyɔle akyiwadeɛ amoen mɔ, bɔ ɔte bɛ nningyein bɔ mekyi ne. Ye sɔ ati, ngɔmaa ɔkɔkakyi bɛ so akyiwadeɛ nikye.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Tito 2:12

Na okyirekyire yɛ, kyɛ, yɛ́gyi bra fiɛ ne wiase akɔnnɔ yɛ́gua, kyɛ yɛ́nya anwohyɛsoɛ, ná yɛ́fa tenenee ne nyamesom paa yɛtena wiase he anu,