Hesekiel 11:16 - AHYERƐLƐ KRONGRON

¹⁶ Yiti kã kyɛ, ‘AWURADE Nyameɛ nwa nyoo: Ɔwɔ nu kyɛ nzesale bɛ ngɔle maen maen mɔ so dedeede de, yeɛ ndole bɛ mbetene aseɛ mɔ so de, nakoso nde nekaa krongron mema bɛ wɔ mmerɛ kãa bie, wɔ aseɛ mɔ bɔ bɛhɔle so nemɔ aso.

Hesekiel 11:16 Iomraidhean Croise

Edwein 31:20

Wɔ natelɛ bɔ ɛne bɛ nate ne, ɔbɔ bɛ nwo waen fi mmenia bɛ porɛ bɔ babɔ ɔ nwo; ɛfa wɔ ndaa butu bɛ so ede bɛ fi ngɔngɔnzaafoɛ sa nu.

Edwein 44:11

Ayɛ yɛ kyɛ mmoaen bɔ bɛkwaahũ bɛ ɔ, na abɔ yɛ asande aagua maen maen mɔ so.

Edwein 90:1

AWURADE, wɔ yeɛ ɛte y’afealeɛ wɔ aworɛ ndoatoasoɛ amukoraa nu ɔ.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yesaya 8:14

Ɔkɔyɛ nekaa krongron, sundidua nyɔboɛ, ɔne nyɔbotaen bɔ ɔmaa besoti ɔ kɔma Yisrael abusua nyɔ ne, na ɔkɔyɛ atodum ne ngaen kɔma Yerusalemfoɛ.

Yeremia 26:11

Yeɛ asɔfo nemɔ ne ngɔmhyɛlɛfoɛ nemɔ besele mbanyi nemɔ ne maen ne amukoraa kyɛ, “Sɔ akoaa he, ɔfata kyɛ beku ye ɔ, ofikyɛ wahyɛ ngɔm watia kuro ye, kyɛbɔ ɛmɔ bɔbɔ ɛmɔate ne.”

Yeremia 26:7

Yiti asɔfo nemɔ ne ngɔmhyɛlɛfoɛ nemɔ ne maen ne amukoraa bɛtele kyɛ Yeremia ɔkã sɔ dwirɛ ne wɔ AWURADE awuro berɛ ɔ.

Yeremia 29:11

Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene ɔ; kyɛ ngɔma ɛmɔkonya ayieleɛ paa ne anyelasoɛ.

Yeremia 29:7

Na kuro bɔ mamaa bahye ɛmɔ nnure bahɔ so ne, odi kyɛ ɛmɔpena ye yeeyɛlɛ, ná ɛmɔbɔ mbaeɛ bekyire AWURADE bɛma ye, ofikyɛ kuro ne yeeyɛlɛ nu, yeɛ ɛmɔ koso ɛmɔkɔyɛ yé ɔ.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 42:11

Nnɛma ɛmɔsuro Babilɔn hene bɔ yeɛ ɛmɔsuro ye ne. Nnɛma ɛmɔsuro ye, AWURADE noa dwirɛ ɛne; ofikyɛ ngyi ɛmɔ si kyɛ ngole ɛmɔ ngoa, ná mapepɛ male ɛmɔ mafi ye sa nu.

Hesekiel 20:23

Nza ndale ndaen ngyirele bɛ wɔ ɛserɛ ne aso, kyɛ ngɔbɔ bɛ ngɔsande ngɔhɔ maen maen mɔ nu, ná mato bɛ mapete aseɛ mɔ so;

Lewitikɔso 26:44

Nakoso ɛhe amukoraa asi ye, sɛ bɛwɔ bɛ pɔfoɛ mɔ aseɛ so po a, mengɔpo bɛ, yeɛ mengɔpɔ bɛ bɔ ɔkɔmaa bɛ boso konua, bɔ ɔkɔmaa ngɔsɛkye apam bɔ ɔla me ne b’afia ne ɔ; ofikyɛ me ole AWURADE bɛ Nyameɛ.

Sakaria 2:6

Huuu, huuu! Ɛ́mɔnwati béfi sorɔ dɔ aseɛ ne aso oo, AWURADE noa dwirɛ ɛne; ofikyɛ mabɔ ɛmɔ masande kyɛ anwuro mvrama nna ne, AWURADE noa dwirɛ ɛne.

Deuteronomi 4:27

AWURADE kɔbɔ ɛmɔ kɔsande kɔhɔ maen maen nemɔ aso, na ɛmɔ nu kãa bie yeɛ bekonya ngoa wɔ maen maen bɔ AWURADE kɔhwe ɛmɔ kɔhɔ so ne aso ɔ.