Hesekiel 11:13 - AHYERƐLƐ KRONGRON

¹³ Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Hesekiel 11:13 Iomraidhean Croise

1 Ahemvo 13:4

Nana Yeroboam tele edwirɛ bɔ Nyameɛ sona ne hã tiale afɔleɛ bokyea bɔ ɔwɔ Betel nen, Yeroboam tengyɛle ye sa fili afɔleɛ bokyea ne aso sele kyɛ, “Ɛ́mɔhye ye!” Nakoso ye sa bɔ ɔtengyɛle fa hyirele ye so ne, ɔnwenwene bɔ wangora wandwe wanza ɔ.

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Anyandera 6:15

Yiti musue kɔto sɔ sona ne mvum nu, na ɔkɔto ye mvum nu bɔ ongonya ye sɔbea ɔ.

Hesekiel 11:1

Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 11:14

Na AWURADE lale ye dwirɛ ali hyirele me bieku kyɛ,

Hesekiel 20:17

Nakoso nwuni bɛ anwumvoin, bɔ mangũkũ bɛ, anaa mannua bɛ boso wɔ ɛserɛ ne aso ɔ.

Hesekiel 37:7

Yiti kyɛbɔ ɔfale ahyɛdeɛ mane me ne, nhyɛle ngɔm. Na me noa wɔ so bɔ mehyɛ ngɔm ne, yieee, ndele dede kukurokukuro bie, mmowue nemɔ toatoale so, na mmowue nemɔ hã siesiele ye nyunu.

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hesekiel 9:8

Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Hosea 6:5

Yiti nnate me ngɔmhyɛlɛfoɛ so mapɛ bɛ magua, mafa me noa nu dwirɛ mahũhũ bɛ, na me ndɛenbualɛ te kyɛ kanea bɔ ɔ́ta ɔ.

Amose 7:2

Na belili aseɛ ne aso ndire amukoraa beyiele nen yeɛ ngane kyɛ, “Ao AWURADE Nyameɛ, mesrɛ wɔ, fa kyɛ! Ɔkɔyɛ sɛɛ né Yakob wahora wagyina ye noa? Ofikyɛ ɔte kãa paa.”

Amose 7:5

Yeɛ ngane kyɛ, “Ao AWURADE Nyameɛ, mesrɛ wɔ, nnɛma ɛhe ba nu! Ɔkɔyɛ sɛɛ né Yakob wahora wagyina ye noa? Ofikyɛ ɔte kãa paa.”

Asomafoɛ 13:11

Tie, Awurade kotua wɔ kerɛ kekesaala ye; wɔ nye kosi, na engonwu eyia ko, sana mmerɛ kãa pɛ nu.” Na berɛ ne ala awosii ne ɛborɔ katale Elima nye so maa ofuafuale penane sona bɔ ɔkɔsɔ ye sa kohyire ye atee ɔ.

Asomafoɛ 5:10

Na berɛ ne ala, ɔpɛ fini ye nyunu berɛ wuli. Na mmerandeɛ nemɔ besa bɛwale ne, benwuni kyɛ ye koso wawu; yiti bɛmane ye so bɛhɔle, na besiele ye ohu ne nwo berɛ.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Deuteronomi 7:4

Ofikyɛ bɛkɔkakyi wɔ mma nemɔ adwene bɔ bengoli me si ɔ, maa bɛkɔɔso nyameɛ foforɛ biemɔ. Na ɔba ye sɔ a, AWURADE kɔfɛ ɛmɔ so yaa piri paa, na okohu wɔ ndɛndɛ.