Hesekiel 11:12 - AHYERƐLƐ KRONGRON

¹² Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 11:12 Iomraidhean Croise

1 Ahemvo 11:33

Ofikyɛ Solomon apo me waasɔne Sidonfoɛ bosoen brasua Asetate ɔne Moabofoɛ bosoen Kemose, yeɛ Amonfoɛ bosoen Milkom, na wanni me dwirɛ so. Wanyɔ bɔ ɔtengyɛ wɔ me nye so ɔ, yeɛ wanni m’ahyɛdeɛ ne me nhyehyɛleɛ so kyɛbɔ ye baba Dawide de olili so ne.

2 Ahemvo 16:3

Mmom ɔyɔle bɔ Yisrael ahemvo mɔ bɛyɔle ne bie. Maen maen bɔ AWURADE foane bɛ fili Yisraelfoɛ nyunu ne, musue nningyein bɔ né bɛyɔ ne, ye koso ɔyɔle bie. Ɔfale ɔwa bienzua po bɔle afɔleɛ wɔ see nu kyɛbɔ né maen maen nemɔ bɛyɔ ne ala.

2 Ahemvo 18:12

Sɔ dwirɛ ne tole Yisraelfoɛ, ofikyɛ bandie AWURADE bɛ Nyameɛ dwirɛ, na mmom bebuli ye apam so. Bɔ AWURADE somvoɛ Mose hyɛle ne amukoraa, bandie, na banni so.

2 Ahemvo 21:2

Ɔyɔle bɔ ɔte bɔne wɔ AWURADE nyunu ɔ. Maen maen mɔ bɔ AWURADE foane bɛ fili Yisraelfoɛ nyunu ne, musue nningyein bɔ bɛyɔle ne, ye koso ɔyɔle bie.

2 Ahemvo 21:22

Ɔpole AWURADE ye nana mɔ bɛ Nyameɛ ne, na wandie AWURADE dwirɛ.

2 Ahemvo 21:9

Nakoso bandie ye dwirɛ. Manase lakalakale bɛ maa bɛyɔle bɔne bɛtrale maen maen mɔ bɔ AWURADE huhuni bɛ fili Yisraelfoɛ nyunu nemɔ.

2 Aberɛso Dwirɛ 13:9

AWURADE asɔfo mɔ bɔ bɛte Aarɔn boso ama ne, bɛ ne Lewifoɛ nemɔ, aso ɛmɔffoane bɛ? Aso ɛmɔ bɔbɔ ɛmɔhhyɛle mmenia asɔfo bɛmmane bɛ nwo kyɛbɔ amaenmaen ngaa nemɔ bɛyɔ ne? Ebiala bɔ ɔkɔfa nandwie akrɔngrɔma ko anaa mmoaen nyii nzoo kɔwa kyɛ bɛhyɛ ye sɔfo ne, ɛmɔhyɛ ye sɔfo bɛma mmosoen mɔ bɔ nna Nyameɛ ahɔ ɔ.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

2 Aberɛso Dwirɛ 36:14

Asɔfo mbanyi nemɔ amukoraa bɛ ne maen ne behwi bɛfale AWURADE dwirɛ so piri paa, na bɛyɔle amaenmaensofoɛ b’akyiwadeɛ ne amukoraa bie. AWURADE awuro bɔ wayɛ ye krongron wɔ Yerusalem ne, bɛfale efiɛ bɛhane ye.

Ɛsra 9:7

Fite yɛ nana mɔ aberɛ so toonn bɔ ɔbaadwu ɛnɛ ɔ, mvomsoɛ ali yɛ ti. Na ɔnate yɛ ne y’ahemvo mɔ ne y’asɔfo mɔ amumuyɛɛ ti, yeɛ Amaenmaensofoɛ ahemvo mɔ bɛ sa ahã yɛ bɔ beku yɛ, bɛkye yɛ nnure, bɛfẽ yɛ nningyein bɛfa, ná begua yɛ nyunu ase, kyɛbɔ kekesaala ye ɔte ye.

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Nehemia 9:34

Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Edwein 78:10

Banni Nyameɛ apam ne aso, yeɛ bɛyɛle b’adwene kyɛ bengoli mmeraa ne aso.

Yeremia 10:2

Bɔ AWURADE kã hɔ ɛhe: “Nnɛma ɛmɔsuasua amaen maen mɔ bɛ yɔleɛ nemɔ, yeɛ nnɛmɔma ewienu nzɛngyerɛnneɛ ne yɛ ɛmɔ suro, ofikyɛ maen maen nemɔ yeɛ ɔyɛ bɛ suro ɔ.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 18:8

ɔmmɔ bosea mva nzihoɛ nzi ye nwo, anaa onne bie mva mmoka so, ɔtwe ye nwo fi amumuyɛɛ nwo, obua mmenia afia ndɛen bɔ ɔtengyɛ ɔ,

Hesekiel 18:9

odi me nhyehyɛleɛ so, ná odi m’ahyɛdeɛ so nahorɛ nu a, sɔ sona ne yeɛ ɔtengyɛ ɔ, na nahorɛ nu, okonya ngoa, AWURADE Nyameɛ noa dwirɛ ɛne.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:21

Nakoso mmaa nemɔ yɛle me nwo lɔen; banni m’ahyɛdeɛ so, yeɛ me mmeraa ne bɔ sona di so a onya ngoa ne, ye koso banni so; na m’afofingyẽa ne koso, beguale bɛ nwo fiɛ. Yiti ngane kyɛ: Ngɔma m’ahone kohu bɛ so, na ngɔma me yaafɛlɛ ne kɔyɔ bɛ nwo adwuma koyie wɔ ɛserɛ ne aso.

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Hesekiel 5:6

Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Hesekiel 8:10

Yiti nworole nu ngɔneane. Na né bakurukyire ngaka mukoraa bɔ bɛtwe bɛ nwo ase ɔ, yeɛ ngaka mukoraa bɔ bekyi ɔ, ɔne Yisrael mmosoen amukoraa bagua fasue ne anwo babra bayia.

Hesekiel 8:14

Afei ɔfale me wale AWURADE awuro berɛ sorɔ dɔ anoa ne anu berɛ, na nwuni mmrasua bɔ bɛtete berɛ besu Tamuse ɔ.

Hesekiel 8:16

Afei ɔfale me wale AWURADE awuro ne akunu dɔ. Na AWURADE asɔneyɛɛ sua anoa nu berɛ, abrannaa ne ne afɔleɛ bokyea ne b’afia berɛ, na nwuni mmienzua kɔyɛ aburanyɔ ne nnu wɔ berɛ. Né bɛ si kyire AWURADE asɔneyɛɛ sua ne; yeɛ né bɛ nyunu kyire eyia afiteleɛ bɔ bɛsɔne eyia, bɔ bɛ nye kyire eyia afiteleɛ ɔ.

Daniel 9:10

Yandie AWURADE yɛ Nyameɛ dwirɛ, ofikyɛ ye mmeraa bɔ ɔnate ye somvoɛ ngɔmhyɛlɛfoɛ mɔ so hyehyɛ mane yɛ ne, yanni so.

Lewitikɔso 18:3

Misraim aseɛ bɔ né ɛmɔte so ne, nnɛma ɛmɔyɔ bɛ yɔleɛ ne bie, yeɛ Kanaan aseɛ bɔ méfa ɛmɔ mékɔ so ne, bɛ yɔleɛ ne, nnɛma ɛmɔyɔ bie. Nnɛma ɛmɔdi b’ahyɛdeɛ so.

Lewitikɔso 26:40

“Nakoso sɛ bɛka b’amumuyɛɛ ɔne bɛ nana mɔ amumuyɛɛ: kyɛ bɛyɛle ɛlɔen betiale me, na afei bɛtoale so bedwɔso betiale me,