Hesekiel 11:1 - AHYERƐLƐ KRONGRON

¹ Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 11:1 Iomraidhean Croise

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

2 Ahemvo 2:16

Besele ye kyɛ, “Tie, wɔ somvoɛ mɔ, mmienzua anwoserɛfoɛ aburannu wɔ yɛ nu. Yɛsrɛ wɔ, maa bɛhɔ bɛɛpena wɔ mene. Ebiaa, AWURADE Sunzum ama ye so waato bokaa bie aso, anaa bɔnza bie anu.” Na obuale kyɛ, “Daabi, nnɛmɔmaa bɛkɔ.”

2 Ahemvo 25:23

Na Yuda safohene nemɔ amukoraa bɛ ne bɛ koɛhonɛfoɛ tele kyɛ Babilɔn hene abɔ Gedalia amrado ne, bɛ ne bɛ koɛhonɛfoɛ hɔle Gedalia berɛ wɔ Misepa. Bɛ ole: Netania awa Yismael, Karea awa Yohanan, Netofaniɛ Tanhumete awa Seraya, yeɛ Yaasania bɔ ɔse te Maakatiniɛ ne.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Hesekiel 10:19

Yeɛ kɛrubim nemɔ momane bɛ ndaa so, na bɛpagyale bɛ nwo so befili aseɛ so bɛhɔle bɔ me nye tua ɔ. Na bɛkɔ ne, né kango nemɔ wɔ bɛ ngyɛnu, na beegyinane AWURADE awuro berɛ eyia afiteleɛ pambim ne anoa nu; na né Yisrael Nyameɛ animnyam ne ɔwɔ bɛ so anwuro.

Hesekiel 10:22

Na bɛ nyunu sue ne, bɛte kyɛ nyunuɛ mɔ bɔ nwuni bɛ asue Kebare noa ne pɛpɛɛpɛ. Bɛ nu biala hɔle ye nyunu tee.

Hesekiel 11:13

Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 3:12

Yeɛ Sunzum ne mane me so, na ndele komviɛ bie bɔ ɔma aseɛ woso ɔ wɔ me si dɔ kyɛ, “Asennaa te AWURADE animnyam ne deɛ wɔ ye atenaleɛ berɛ!”

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 37:1

AWURADE tumi wale me so, ɔnate AWURADE Sunzum so ɔfale me fitele, na ɔfale me oogyinane bɔnza bie bɔ mmowue ayi nu to ɔ ye afia.

Hesekiel 40:6

Na afei ɔwale ɛpoen bɔ ye nye nea eyia afiteleɛ ne anwo, ɔfole ye atweleɛ ndiasoɛ ne aso, osusuli anoa n’aponnwaa ne, na né ye tɛtrɛtɛɛ te elemmire ne ko, yeɛ ye tɛtrɛtɛɛ ko ne koso te elemmire ne ko.

Hesekiel 41:1

Afei ɔfale me hɔle asɔneyɛɛ sua ne anu, na osusuli mbuna nemɔ; ye tɛtrɛtɛɛ nu, ye bue ko te agyirɛ nzia, yeɛ ye bue ko wora ɔte agyirɛ nzia, bɔ ye tɛtrɛtɛɛ ne ɛtena sua ne bɛte pɛ ɔ.

Hesekiel 8:16

Afei ɔfale me wale AWURADE awuro ne akunu dɔ. Na AWURADE asɔneyɛɛ sua anoa nu berɛ, abrannaa ne ne afɔleɛ bokyea ne b’afia berɛ, na nwuni mmienzua kɔyɛ aburanyɔ ne nnu wɔ berɛ. Né bɛ si kyire AWURADE asɔneyɛɛ sua ne; yeɛ né bɛ nyunu kyire eyia afiteleɛ bɔ bɛsɔne eyia, bɔ bɛ nye kyire eyia afiteleɛ ɔ.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Hosea 5:10

Yuda ahemvo mɔ, bayɛ kyɛ mmenia bɔ betutu wɛen ɔ, yiti m’ahone kohu bɛ so kyɛ nzue.

Asomafoɛ 8:39

Na befili nzue ne anu befitele nen, Awurade Sunzum hwimini Filipo hɔle, na sayɛɛ ne annwu ye ko, nakoso ɔfale anigye toale ye ateetulɛ ne aso.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,