Hesekiel 10:5 - AHYERƐLƐ KRONGRON

⁵ Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.

Hesekiel 10:5 Iomraidhean Croise

1 Ahemvo 7:9

Sɔ sua nemɔ amukoraati, bɛfale nyɔboɛ paa bɔ bahyɛ da bafa buralɛ base ye nyunu ne ye si yeɛ besili ɔ; fi ye fapem kɔka ye ti afia, yeɛ afei fi ye terɛ ne bɔ ɔkwaadwu aluo berɛ kandinga nen.

2 Aberɛso Dwirɛ 4:9

Osili aluo berɛ ne mane asɔfo nemɔ, yeɛ osa sili aluo berɛ kandinga ne.’ Ɔyɔle aluo berɛ anoa nemɔ fale kɔɔbere borole bɛ nwo.

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 68:33

Bɔ ɔnate ewienu anwuro anwuro, tetetete nyameɛso ne, ɛ́mɔto ye nwo dwein; ɛ́mɔtie, ye komvi piri ne, ɔbɔ nu kurudududu.

Edwein 77:17

Munungum hwiele esue guale tatatata, ewienu bobɔle nu kurudududu; na w’agyaen nemɔ koso tetele yerɛmyerɛm.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Yesaya 6:8

Na ndele AWURADE komvi kyɛ obisa kyɛ, “Nwa yeɛ nzoma yeɛ ɔ, nwa yeɛ ɔkɔhɔ kɔma yɛ ɔ?” Na nzele kyɛ, “Me ɛhe, soma me.”

Hesekiel 1:24

Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.

Hesekiel 10:6

Na ɔwale kyɛ, ɔfale ahyɛdeɛ mane biaa bɔ ɔhera nwera ne kyɛ, “Fa see fi kango mɔ bɔ bɛpɛ bɛ nwo nemɔ b’afia, wɔ kɛrubim nemɔ b’afia” nen, ɔworole nu oogyinane kango ne anwo berɛ.

Hesekiel 40:17

Afei ɔfale me hɔle aluo berɛ pato nu berɛ, na yieee, né pumbu mɔ ne atee wɔ berɛ bɔ bapɛ aluo berɛ nwo bayia ɔ; né pumbu aburasa yeɛ bɛwɔ atee ne anoa ɔ.

Hesekiel 46:21

Afei ɔfale me wale aluo berɛ pato nu berɛ, na ɔfale me hɔle aluo dɔ ndweasoɛ nna nemɔ aso; na pato ndweasoɛ nemɔ, né ebiala le pato.